ئەو عیراقا ئەمریکا و ئەورۆپا دڤێت بێی کوردان نابیت
ئەڤرۆ نيوز:
شروڤەکارەکێ سیاسی ل دور پەیوەندیێن ناڤبەرا کوردستانێ و عیراقێ دا دیارکر، جوداھیا ڤێ خولا پەرلەمانێ عیراقێ ل گەل خولێن بۆری ئەوە ڤێ جارێ تایبەت پشتی رودانێن 16 ێ ئوکتوبەرێ پەییوەندیێن ناڤبەرا کوردستانێ و عیراقێ گەلەک ئالۆزبۆینە گەھشتە وی ئاستی عیراق جارەکادی ھەژمونا خوە بێخیت سەر کوردستانێ، ئەوا ھاتیە پێش عیراق نەشێت وەک بەری 16 ێ ئوکتوبەرێ بەرێ خوە بدەن کوردستانێ. وەلاتێن زلھێزو ئەمریکا دبێژن دڤێت عیراقەکا ب ھێز ھەبیت و ھەرێمەکا ب ھێز ژی ل عیراقێ ھەبیت.
دلشاد موستەفا وەسانی گۆت: ھەردەما عیراق لاواز بۆی پێدڤی ب کوردان ھەبوویە، بۆ ب ھێزکرنا عیراقێ، ھەکە کورد پشکداری عیراقێ نەبن ئەو عیراق نامینیت یا ئەمریکا و ئوروپا دڤێت، نابیت پێکھاتەک ب تنێ ل عیراقێ دەسھەلات داربیت ،چاڤەرێ دھێت کرن بۆ پێک ئینانا حکومەتا نویا عیراقێ شاندێن زێدەتر بھێنە ھەولێرێ ھەتا نوکە ل ھەولێرێ ژی سوز بۆ چو شاندا نەھاتینە دانان، بەلێ پێدڤیە کورد ب ئێکگرتی بەرەڤ بەغدا بچنەڤە کو ھەتا نوکە بەرنامەکێ ئێکگرتی نینە، ھەتا نوکە چار لایەنێن نەرازی چۆ ھەولویست نینە بەلێ کارکرنا پارتی و ئێکەتی و گرنگیا خوە ھەیە بۆ ڤێ گەرێ، ژبەر کو پتریا کورسیان ھەنە بەلێ ئەوێن نەرازی ژی کومەکا کورسیان ھەیە ھەتا نوکە بەرھەڤ نەبووینە پێشوازیا شاندێن عیراقێ بکەن، ھەتا نوکە ل دۆر پروسا ھژمارتنا دەنگان ئالوزی ھەنە پێشبینی دھێتە کرن چۆ ل رەوشێ نەھێتە گوھۆرین ھێشتا حکومەتا فیدارلی بڕیارا دووماھیێ ل سەر نەدایە.
دلشاد مستەفا وەسانی شروڤەکا رێ سیاسی بۆ روژناما ئەڤرۆ گۆت: دناڤ لایەنێن نەرازی ل کوردستانێ کارکرن بۆ ل سەر ب عیراقی بوونا خوە گەلەک گفتو گو ل گەل بەغدا دکرن، سەرەرای کو نوونەرێن خەلکی نە بەری ھەلبژارتنا ھندەک لایەنێن سیاسی بەری راگەھاندنا پارتا خو ەسەردانا بەغدا کرن گەلەک بزاڤ ھاتن کرن بۆ خرابکرنا پارتی دیموکراتی کوردستان بەلێ پارتی ھێزەکا کاریگەرە،دھێتە زانین کو ئەڤجارە ئۆپۆزسیون ل پەرلەمانێ عیراقێ ھەبیت، ژبەر نەرازیبۆن ل ئەنجامێن ھەلبژارتنا ئەمریکا و ئیرانێ کارتێکرنەکا مەزن ل سەر عیراقێ ھەیە و قاسم سولەیمانی وەک شیرەتکارێ لەشکری و سیاسی ل عیراقێ یە.
وەسانی ئاشکراکر، روودانێن 16 ێ ئوکتوبەرێ ئەمریکا دلگرانیا خوە ھەمبەر روودانێن چێبۆی نیشادا، ئەڤا نوکە ل روژەڤێ دروست دبیت پەیامەکا دلخوشکەرە دانانا مەزنترین کونسولخانا ئەمریکا ل کوردستانێ و ھاتنا شاندێن ئەمریکا و بیانی بۆ کوردستانێ و سەرەدانا نێچیرڤان بارزانی بۆ مەراسیما سویند خوارنا سەروک کومارێ تورکیا پەیامێن دلخوش کەرن، کوردستان بەرەڤ وێ قوناغێ دچیتەڤە کو د گەشەکرنێ دا بۆ بەری شەرێ داعش و روودانێن 16 ێ ئوکتوبەرێ نوکە کوردستان جارەکادی یا بلند دبیتەڤە.