كاروانێ ئێكێ يێ حه‌جيان ئه‌ڤرۆ دێ گه‌هيته عيراقێ
ئه‌ڤرۆ نيوز:
سه‌رۆكێ ده‌سته‌يا حه‌ج و عومرا عيراقێ راگه‌هاند كو ئه‌ڤرۆ رۆژا شه‌مبى دێ ده‌ست ب ڤه‌گه‌ريانا حه‌جيێن عيراقێ هێته كرن و 11 حاجيێن عيراقێ ل ده‌مێ پرۆسا حه‌جێ گيانێ خوه ژ ده‌ست دايه.
خالد عه‌تيه، سه‌رۆكێ ده‌سته‌يا حه‌ج و عومرێ ل عيراقێ، د كۆنگره‌كێ رۆژنامه‌ڤانى دا راگه‌هاند كو رۆژا شه‌مبى د رێيا هشكاتى دا دێ ده‌ست ب ڤه‌گه‌ريانا حه‌جيێن عيراقێ هێته كرن و رۆژا دوشه‌مبى ژى د رێيا ئه‌سمانى دا دێ ده‌ست ب ڤه‌گه‌ريانێ كه‌ن.
گۆتژى: “ل ده‌مێ بجهـ گه‌هاندنا پرۆسا حه‌جێ، 10 حه‌جيێن عيراقێ گيانێ خوه ژ ده‌ست دايه؛ ژ وان 9 حه‌جى ل مه‌ككێ هاتينه ڤه‌شارتن و دوهى رۆژا ئه‌ينى ژى حاجيه‌كى گيانێ خوه ژ ده‌ست دايه.
بڕياره 28ى ڤێ هه‌يڤێ كاروانێ ئێكێ يێ حاجيێن هه‌رێما كوردستانێ ب ڤه‌گه‌ريته هه‌رێمێ كو ژمارا وان 420 حه‌جى نه.
