ته‌له‌بانى بازرگانێن په‌ترۆلێ ل گه‌ل داعش ب چ ناڤ دبه‌ت؟
ئه‌ڤرۆ نيوز، نيوار محه‌مه‌د سه‌ليم:
جێگرێ سه‌رۆكێ حوكمه‌تا هه‌رێما كوردستانێ، به‌حس ل وان كه‌سێن بازرگانيا په‌ترۆلێ ل گه‌ل داعش دكه‌ن ب تاوانه‌كا نه‌ته‌وه‌يى ب ناڤ دبه‌ت و د ده‌ته زانين كو دڤێت ب مه‌زنترين سزا بهێنه سزا دان.
د په‌يچێ خوه يێ تايبه‌تێ تۆڕا جڤاكيا فه‌يسبۆكى دا، كوڕێ مام جه‌لال، سكرتێرێ گشتيێ ئێكه‌تى نشتيمانى كوردستان پۆسته‌ك به‌لاڤكريه و ئاماژه ب وێ چه‌ندێ كريه كو ئه‌وێن بازرگانيێ ل گه‌ل داعش دكه‌ن ئه‌و تاوانه‌كا نه‌ته‌وى دكه‌ن.
جێگرێ سه‌رۆكێ حوكمه‌تا هه‌رێما كوردستانێ، قوباد ته‌له‌بانى دبێژيت: “ئه‌و كه‌سێن تۆمه‌تبارن و ل ئه‌گه‌رێ ساخبوونا تاوانێن خوه ب قاچاخيكرنا په‌ترۆلێ ل گه‌ل داعش، ئه‌و دێ ب قورسترين سزا، وه‌كو تاوانه‌كا نه‌ته‌وى هێنه سزا دان”.
ماوه‌كه ل ناڤ ده‌زگه‌هێن راگه‌هاندنێ به‌حس ل كارێ بازرگانيكرنا په‌ترۆلێ ل گه‌ل داعش دهێته كرن كو ژ لايێ چه‌ند بازرگانێن هه‌رێمێ ڤه هاتيه ئه‌نجام دان، به‌لێ هه‌تا نوكه چو كه‌س ل سه‌ر ڤى كه‌يسى نه‌هاتينه ده‌سته‌سه‌كرن.
