روسیا ژ بەر حەلەبێ هۆشداری دا تورکیا
ئەڤرۆ نیۆز:
بەرپرسەکێ وەزارەتا دەرڤە یا روسیا راگەهاند کو گرۆپێن چەکدار یێن سەر ب تورکیا ل چەندین تاخێن حەلەبێ گازێ کلۆر ل دژی وەلاتیان بکار ئیناینە و بوویە ئەگەرێ مرنا گەلەک وەلاتیان و ئەو یەک ژی بنپێکرنا وێ رێککەفتنێ یە کو بەری نها د ناڤبەرا مە و تورکیا دا هاتبوو کرن.
هەمان بەرپرسێ روسیا دیار کریە کو تورکیا سۆز دابوو نەهێلیت گرۆپێن چەکدار ژ دەڤەرێن ئارام هێرشان بکەن، لێ بکارئینانا چەکێن قەدەغەکری ل دژی وەلاتیان ل حەلەبێ جهێ گۆمانێ یە و دڤێت تورکیا ل دۆر ڤی بابەتی داخۆیانیەکێ بدەتە مە و نها شاندەکێ مە ل گەل وەزارەتا دەرڤە یا تورکیا ل دۆر وی بابەتی دانوستاندنان دکەت.