ئەڤرۆ ل دھۆکێ دێ قارەمانیا فوتسالا کچان ل سەر ئاستێ زانکویا دەسپێکەت
ئەڤرۆ نیوز، عەلی حاجی:
بریارە ئەڤرۆکە ھەڤرکیێن قارەمانیا فوتسالا زانکویێن کوردستانێ ل کولیژا پەروەردا وەرزشی دەسپێبکەن ب پشکداریا ھەشت زانکو و پەیمانگەھان و بۆ جارا ئێکێ فوتسالا زانکویا زاخۆ ژێ دێ پشکداریێ کەت.
یاریا دەسپێکێ یا ئەڤرۆکە ل دەمژمێر ١٠ سپێدێ زانکویا زاخۆ دێ دگەل زانکویا حەلەبچە کەت و ل دەمژمێر ١١ پەیمانگەھا وەرزشی یا ئاکرێ دگەل پەیمانگەھا وەرزشی یا زاخۆ د یاریا سێ دا ل دەمژمێر ١٢ پەیمانگەھا وەرزشی یا دھۆک دگەل زانکویا دھۆک.
د ڤی چارچوڤەی دا وار رەمەزان راھێنەرێ فوتسالا زانکویا زاخۆ بۆ ئەڤرۆ نیوز گۆت: جارا ئێکێ یە پشکداری د ڤێ قارەمانیێ دا دکەین لێ ئارمانجا تیما مە ھەڤرکیە د قارەمانیێ دا دو یاریزانێن مە بەری نوکە پشکداری د قارەمانیان دا کریە لێ یێن دی شارەزایی نینە سەرەرای ڤێ چەندێ من باوەری ب شیانێن ھەموو یاریزانێن خوە ھەیە دێ شێن یاریا ئێکێ بەرامبەر زانکویا حەلەبچە ب ئەنجامەکێ باش ب دووماھی ئینن.
