ل دهۆكێ نشته‌رگه‌رى بۆ پشیكه‌كێ دهێته كرن
ئه‌ڤرۆ نیۆز، ئه‌میر ئه‌ترووشى:
ل كۆلیژا ڤێتێرنه‌ریا دهۆكێ سالانه نێزیكى شه‌ش نشته‌رگه‌ریان بۆ پشیكان دهێنه كرن و ئه‌ڤ ساله ژى ئێك ژ وان پشكنینان بۆ پشیكه‌كێ هاتیه كرن ب هندێ مالبچیكێ وێ بهێته راكرن، دا كو گه‌له‌ك تێشكا د ناڤ مالێ دا نه‌ئینیت.
د. محه‌مه‌د سه‌لیم محه‌مه‌د، ماسته‌ر ب نشته‌رگه‌ریا گیانه‌وه‌ران ل كۆلیژا ڤێتێرنه‌ریا دهۆكێ بۆ ئه‌ڤرۆ نیۆز دیار كر، زه‌لامه‌كى ل دهۆكێ پشیكا خوه ئینا كۆلیژا مه ل به‌شێ نشته‌رگه‌ریان، بۆ هندێ نشته‌رگه‌رى بۆ راكرنا مالبچیكێ وێ بهێته داكو كو گه‌له‌ك تێشكان د مالێ دا نه‌ئینیت و گۆت: نشته‌رگه‌رى ب سه‌ركه‌فتیانه هاته ئه‌نجامدان و نها پشیك یا ب سلامه‌ته.
ئاشكرا ژى كر كو ل ده‌مێ ئه‌نجامدانا نشته‌رگه‌ریێ، هه‌تا راده‌یه‌كى ره‌وشا وێ یا ساخله‌میێ تێكچوو ژ به‌ر كو به‌نج بۆ لاشێ وێ هه‌موویێ نه‌هاتبوو دانان و ب تنێ بۆ جهێ نشته‌رگه‌ریێ هاتبوو دانان، به‌لێ پشتى هینگى ڤه‌گه‌ریا سه‌ر ره‌وشا خوه و گۆت: خودانێ پشیكێ دخواست ئێدى تێشكان نه‌ئینیت، له‌وما ئه‌ڤ نشته‌رگه‌ریه هاته كرن.
د. محه‌مه‌د سه‌لیم محه‌مه‌د، ماسته‌ر ب نشته‌رگه‌ریا گیانه‌وه‌ران ل كۆلیژا ڤێتێرنه‌ریا دهۆكێ ئاماژه ب هندێ ژى دا كو سالانه 5 هه‌تا 6 حاله‌تێن نشته‌رگه‌ریا گیانه‌وه‌ران ل كۆلیژا وان دهێنه كرن، لێ شیانێن مه هند د زۆر نینن هه‌موو پشكنین به‌رى نشته‌رگه‌رى بۆ بهێنه كرن.