ئاسايشا دهۆكێ: چو ده‌سته‌سه‌ركريه‌ك راده‌ستى توركيا نه‌هاتيه‌ كرن

ئه‌ڤرۆ نيوز:

رێڤه‌به‌رێ ئاسايشا دهۆك ره‌ت دكه‌ت كو ئه‌و كه‌سێن ب تاوانا پشكداريكرن د خوه‌نيشاندانێن دهۆك و شێلادزێ دا ده‌سته‌سه‌ركرين راده‌ستى ميتا توركيا كربن.

بژار كوره‌ماركى، رێڤه‌به‌رێ ئاسايشا دهۆك د داخۆيانيه‌كێ دا راگه‌هاند كو چو ژ وان ده‌سته‌سه‌ركريێن د خرڤه‌بوونێن دهۆكێ و شێلادزێ دا راده‌ستى ميتا توركيا نه‌هاتينه‌ كرن و چو راستى بۆ وان گۆتنان نينه‌.

ئاماژه‌ ب وێ چه‌ندێ ژى كريه‌ كو ل دهۆكێ 16 كه‌س ب تۆمه‌تا وێ چه‌ندێ كو پێزانين هه‌بووينه‌ كو دڤيا ل دهۆكێ ژى هه‌ر وه‌كو شێلادزێ نه‌ئاراميێ په‌يدا بكه‌ن، ئه‌و هاتينه‌ ده‌سته‌سه‌ركرن.

رێڤه‌به‌رێ ئاسايشا دهۆكێ راگه‌هاند ژى كو ئه‌وێن ده‌سته‌سه‌ركرى برينه‌ به‌ر دادگه‌هێ و ڤه‌كۆلين ل گه‌ل هاتيه‌ كرن و ل دونيايێ ژى نينه‌ كه‌سه‌ك بچيته‌ جهه‌كى و ب سۆژيت و كارێ تێكدانێ بكه‌ت و ڤه‌كۆلين ل گه‌ل نه‌هێته‌ كرن.

کۆمێنتا تە