حوكم ل سه‌ر 56 وه‌زير و پله بلندێن حوكمه‌تێ هاتيه سه‌پاندن
ئه‌ڤرۆ نيوز:
ده‌سته‌يا ده‌ستپاكيێ ئه‌ڤرۆ رۆژا دوشه‌مبى راگه‌هاند كو ل سالا 2018ێ 56 حوكم ل سه‌ر 45 وه‌زير و پله بلند و تايبه‌ت و رێڤه‌به‌رێن گشتى ده‌ركرينه.
سه‌رۆكێ ده‌سته‌يا ده‌ستپاكيێ دادوه‌ر عزه‌ت ته‌وفيق جه‌عفه‌ر د چارچۆڤێ كۆنگره‌كێ رۆژنامه‌ڤانى دا، ئه‌وێ ژبۆ راگه‌هاندنا راپۆرتا سالانه ل دۆر 2018ێ ده‌ركرى خۆيا كر كو حه‌فت بڕيارێن دادگه‌هێ د ده‌رحه‌قێ چار وه‌زيران دا هاتينه دان.
دا زانين ژى كو حوكم د ده‌رحه‌قا ژماره‌كا رێڤه‌به‌رێن گشتى و پله تايبه‌ت ژى دا ده‌ركه‌فتيه ب ره‌نگه‌كى كو 49 بڕيارێن دادگه‌هێ د ده‌رحه‌قێ 41 به‌رپرسێن پله بلند و پله تايبه‌ت دا ده‌ركه‌فتين.
