سه‌رنڤیسه‌رێ كوڤارا شارلى ده‌رباره‌ى ملله‌تێ كورد چ دبێژیت؟
ئه‌ڤرۆ نیوز،زنار توڤى:
ستێڤان شاربونیێ(شارب) سه‌رنڤیسه‌رێ كوڤارا شارلى ئیبدۆ یا فره‌نسى دگوتاره‌كێ دا ده‌رباره‌ى ملله‌تێ كورد دبێژیت: ئه‌ز نه كوردم و بتنێ ئێك په‌یڤا كوردى ژى نزانم،من شیانێن هندێ ژى نینن ئاماژێ بو ناڤ كه‌لتورێ كوردان بكه‌م،ئه‌ڤ تشته ب ته‌مامه‌تى بۆ من دغه‌ریبن،به‌لێ وه‌ك ئیلهامه‌كێ بو من هات و ژ نشكه‌كێڤه تشته‌كێ روودا،ئه‌ڤه ئه‌زم یێ ب كوردى دخوم و ب كوردى هزردكه‌م و ب كوردى د ئاخڤم،ب كوردى سترانا دبێژم و ب كوردى دگریم،به‌لێ ئه‌ڤرۆ ئه‌ز كوردم.
هه‌روه‌سا دگوتارا خودا دبێژیت:كوردێن سوریا ب هه‌مى شێوه‌یه‌كێ هاتینه گه‌مارودان،ئه‌و یێ شه‌رێ تاریێ دكه‌ن،به‌رگریێ ژ ئاخ و نیشتیمان و خێزان و ژیانا خوه دكه‌ن،ئه‌گه‌ر دوژمنا پێ خوش بیت یان پێ نه‌خوش بیت،ئه‌و تاكه هێزن روو ب روو داعشێ بووین،ئه‌و به‌رگریێ ژ مه دكه‌ن،نه دژى ئیسلامێ نه،به‌لكو دژى مه‌زنترین و درنده‌ترین گروپى شه‌رى دكه‌ن. دلایه‌كێ دیدا ناڤهاتى دبێژیت:چاوا دشێن باوه‌ریێ بمه بینن؟،كو ئه‌و هه‌ڤپه‌یمانیا دژى داعش هاتیه دروستكرن راسته،ژبه‌ر چه‌ند ئه‌گه‌ران ژماره‌كا ئه‌ندامێن وێ هه‌ڤپه‌یمانیا نێڤ نه‌ته‌وه‌یى هه‌تانوكه دگه‌ل داعشێ د په‌یوه‌ندیێ دانه بتنێ(په‌یوه‌ندیا ئابورى و سیاسى و ستراتیجى) دگه‌ل داعشێ هه‌یه،به‌لێ سه‌ربارى ڤێ هه‌میێ كورد هه‌ر لسه‌ر پێن خو راوه‌ستیاینه و ماینه.
