گوندێن سەر ب ناحیا دەرکارێ ڤە دهێنە توپباران کرن
ئەڤرۆ نیوز، عەلی حاجی :
گوندێن سەر ب ناحیا دەرکارێ ڤە ل سنورێ دەڤەرا زاخۆ ب شێوەیەکێ چر ژلایێ سوپایێ تورکیاڤە دهێنە توپباران کرن و ماوەیێ دو روژایە توپباران کرنا وان دەڤەران یا بەردەوامە.
ل دور ڤێ چەندێ زێرەڤان موسا، رێڤەبەرێ ناحیا دەرکارێ بۆ ئەڤرۆ نیوز ئاشکەرا کر ئەڤرۆ ل روژا شەمبیێ ل نێزێک دەمژمێر ۱۱:۳۰ی سپێدێ فروکێن سوپایێ تورکیا ۳ جاران ل دووڤ ئێک گوپیتکا چیایێ خامتیری بوردومان کرینە و هەتا نوکە ژی بوردومان ژلایێ فروکێن تورکیا ڤە بەردەوامە دیسان دوهی روژا ئەینی پشی دەمژمێر ۲ی پشتی نیڤرو ژی حەفت گولە توپ ل گوندێ دەشتە تەخێ داینە؍ پشتی وێ توپبارانێ ب ماوەیەکێ، هندەک توپێن دیتر ل پشت گوندێ دەشتەتەخێ کەڤتینە و ئاگر ب پێ و پەلەخی ل وێ دەڤەرێ کەفتیە .
ناڤهاتی گوت ژی : ماوەیەکێ هەیڤەکێ یە ؍ سوپایێ تورکیا وان دەڤەران توپباران دکەت و هەتا نوکە چو زیانێن گیانی نەهاتینە تومارکرن، بەلێ توپبارانکرنا بەردەوام یا وان دەڤەران ترسەک ئێخستیە دلێ خەلکێ وان دەڤەران دا.
