بۆ ئەڤان پوستان دەست ب وەرگرتنا cv یان ھاتەکرن

ئەڤرۆنیۆز، سالار دۆسکی:

ئەندامەکێ جڤاتا پارێزگەھا دھۆکێ ئاشکراکر کو دەست ب وەرگرتنا cv ھاتیەکرن بۆ گوھورینا پوستێن چار سال تەمامکرین و گوھورانکاری ل پارێزگەھێ دێ گوھورین بن، نە لێکگوھورین و سەرۆچاڤێن نوو دھێنە پێش، پارتی دیموکراتی کوردستان دێ ھەموو پوستێن خوە یێن چار سال تەمام کرین دێ گوھوریت.
ئدریس ھەرکی ئەندامێ جڤاتا پارێزگەھا دھۆکێ بۆ ئەڤرۆ نیۆز ئاشکراکر کو نوکە دەست ب وەرگرتنا cv ھاتیەکرن بۆ پوستێن قائیمقام، رێڤەبەرێن ناحیا، رێڤەبەرێن گشتی، گوھورینا ئەڤان پوستان وەک پێشتر لێک گوھارتن نینە، بەلکو دێ گوھورین بن و ئەڤە داخازا پتریا خەلکی یە.

گۆتژی: نوکە قوناغا وەرگرتنا cv دەست پێکریە، پارتی دیموکراتی کوردستان دێ ھەموو ئەو پوستێن بەر کەفتین دێ گوھوریت و دێ بۆ پارێزگەھێ ھێنە ئێکلاکرن، دێ ل گور قانوونا ٢٠٠٩ مادێ شەشێ برگا ١٢ خالا ئێکی و دوێ دێ cv بۆ ئەنجوومەنێ وەزیران ھێنە بلندکرن و ئەوێن مەرجێن قانوونی تێدا دێ بریار ل سەر ھێتەدان و سێ کەس دھێنە ھەلبژارتن و ئەنجوومەن ب دەنگان پوستان ئێکلاکەت وەک عرفەکێ قانوونی و پێشتر ژی ھەر بڤی رەنگی بووینە.
ھەرکی ئەو ژی ئاشکراکر کو گوھورین دێ ھێشتا شوربیت بۆ ھەموو رێڤەبەر و سەرۆک پشک و ھەر کەسەکێ دپوستێ خوە دا چار سال تەمام کربن دێ ھێتە گوھورین و ئەڤە دەست ھەلاتا رێڤەبەرێن گشتی یە.

ل دور پوستێن نوکە وەکالە دھێنە برێڤەبرن، ھەرکی دیارکر کو ل گور قانوونێ پوستێ وەکالەت دڤێت شەش ھەیڤان نە بوریت، لێ ئەڤێ قوناغێ ئەو پوست ژی دھێنەپرکرن.
ل دور مەرجەعەکێ cv بۆ دھێتە پێشکێشکرن، ھەمان ئەندامێ ئەنجوومەنی دیارکر کو خەلک cv پێشکێشی لایەنێ خوەیێ سیاسی کریە ل سنورێ خوە و بتنێ یا ئەنجوومەنی دوڤچوونە کا مەرجێن قانوونی و پەسەندکرنە

کۆمێنتا تە