ئه‌ڤ ساله كى دێ پرتووكێن په‌روه‌ردێ چاپ كه‌ت؟
ئه‌ڤرۆ نیوز، ناجی به‌ده‌ل:
ئاراز رێڤه‌به‌رێ پرۆگرامان ل وه‌زاره‌تا په‌روه‌ردێ ل حكومه‌تا هه‌رێما كوردستانێ سه‌باره‌ت چاپكرنا پرتووكان ژ ئالیێ وه‌زاره‌تێ ڤه، بو ئه‌ڤرۆ نیوز دیاركر هه‌تا نها چ بریارێن دوماهیێ یێن فه‌مری ژ وه‌زاره‌تێ ل سه‌ر ئه‌ڤی بابه‌تی نه ده‌ركه‌تینه و هێشتا هزره و هه‌رده‌مێ پێرابونێن فه‌رمی هاتنه‌كرن دێ هێته‌راگه‌هاندن و هزرا گوهارتنێ ژ ئه‌گه‌رێ نونه‌كرنا گرێبه‌ستا ناڤبه‌را وه‌زاره‌تا په‌روه‌رده‌یێ ل گه‌ل كومپانیا ماكس میلان،نه‌گه‌هشته ئه‌نجام كو مافێ چاپكرنێ بده‌ته وه‌زاه‌رتێ.
ناڤبری ئه‌و چه‌نده ژی دا زانین پشتی ره‌زامه‌ندیا ئه‌نجومه‌نێ وه‌زیران هاتیه وه‌رگرتن كو ئه‌م بخو رابین بكارێ چاپكرنێ و نه گه‌هشتینه ئه‌نجامان ل گه‌ل كومپانیا ناڤبری و بو ئه‌ڤ ساله بریار نه‌هاتیه دان ئه‌رێ دێ چاپكه‌ین یان رێكه‌كا دی گرینه به‌ر و تا نها چ دیار نینه .
رێڤه‌به‌رێ گشتی یێ پرۆگرامان ل وه‌زاره‌تێ گوت ژی: ب شێوه‌یه‌كێ فه‌رمی نه‌هاتیه كو دێ سه‌نرایز بهێته‌گوهارتن ب تشته‌كێ دی یان راستڤه‌كرن ل وێ بخودا و ئه‌ڤه گرێدایی پرسگریكێن ئیداری یه ب منڤه نه‌گرێدایه.
ناڤبری ئه‌و چه‌نده دازانین كو هاتیمه راسپاردن پیڤه‌ره‌كی دابنم،هێشتا مه چ پێنگاڤ نه‌هاڤێتینه و ئه‌گه‌ر پیڤه‌ره‌ك ژی هاته دانان ئه‌وی ده‌می لگوری پیڤه‌رێن جیهانی هێته دانان.
