پەرلەمان و حوكمەتا نەرویج سۆپاسنامە ئاراستەی وەلاتیەكێ هەرێمێ كر
ئەڤرۆ نیوز , رەمەزان هەرنی:
گەنجەكێ باشورێ كوردستانێ كو چەندین سالە ل وەلاتێ نەرویج دژیت كار ل سەر پرۆژەیەك کۆ پشتی پێشكێشی جهێن شولە ژێ ل وەلاتێ نەرویج و دهێتە پەسەندكرن و دەنگڤەدانێن مەزن دروست دكەت.
سیروان سەعدون ، كوردەكێ باشورێ كوردستانێ یە ل وەلاتێ نەرویج بۆ ئەڤرۆ نیوز راگەهاند : پرۆژەیەك من ئاراستەی جهێن شولە ژێ كر ل وەلاتێ نەرویج كو پەیوەندی راستەوخو هەبوو ب خێزان و زارۆك و تاكێن جڤاكێ ڤە ب ناڤێ ( ئەم هەمی ل گەلتەینە) و من سەروكاتیا پرۆژەی دكر ، پرۆژە سەركەفتنەكا مەزن ب دەستڤەئینا و دەنگڤەدان ل سەر ئاستێ وەلاتێ نەرویج دروستكر پرۆژە هاتە پەسەندكرن ژلایێ رێڤەبەریا گشتی ڤە.
گۆتژی : پرۆژەیێ من ل سەر ئاستێ وەلاتێ نەرویج كار پێ د هێتە كرن و هاتیە پەسەندكرن ،وەك كوردەك كو سەروكاتیا پرۆژەی كری ل وەلاتێ نەرویج بۆ من جهێ شانازیەكا مەزنە كو وەك كوردەك پرۆژەی بگەهینمە ئاستەكێ نێڤدەولەتی و بهێتە پەسەندكرن و كار پێ بهێتە كرن بۆ ئەگەر پتر خوە ماندیی و خزمەتا مروڤایەتیێ بكەم.
تەكەز كر : پشتی پرۆژەی سەركەفتنەكا مەزن ل سەر ئاستێ وەلاتێ نەرویج ب دەستڤەئینای دەنگڤەدان دروستكری ،هەر ئێك ژ وەزارەتا روشنبیریا نەرویج و پەرلەمانێ وی وەلاتی سوپاسنامە ئاراستەی من كرن ژبۆی پێشكەشكرن و دروستكرنا پرۆژەی كو گرێدایێ گەنج و تاك و خێزانێ بوون.
