ڤێ حەفتیێ دێ سێ وەزیر چنە پەرلەمانی
بڕیارە ڤێ حەفتیێ سێ وەزیرێن حوکمەتێ بھێنە گازیکرن بۆ پەرلەمانی و ل دۆر قەیرانێن موچە و پانزین و پێشمەرگەی ھویردەکاریان بۆ پەرلەمانی رۆھن بکەن.
نازم ھەرکی ئەندامێ پەرلەمانێ کوردستانێ بۆ ئەڤرۆ نیۆز دیارکر، بڕیارە ڤێ حفتیێ ھەرسێ وەزیرێن سامانێن سرۆشتی و دارایی و ئابوری و پێشمەرگە بھێنە گازیکرن بۆ پەرلەمانێ کوردستانێ و دێ دگەل لیژنەیێن تایبەتمەند کۆمبوون.
نازمی گۆتژی” گازیکرنا ڤان سێ وەزیران دێ دانوستانێن و دوڤچوونێ بۆ ئاریشەیێن پانزینێ و قەیرانا دارایی و چاوانیا بەلافکرنا موچەیێ فەرمانبەران و بجە ئینانا بڕیارێن پەرلەمانی بۆ ھێزا پێشمەرگەی بیت، چونکو بەری نوکەژی ھاتینە ئاگەھدارکرن وەزیر بھێنە پەرلەمانی و ھویردەکریێن ڤان قەیرانا ئەشکرە بکەن.
