ل ئیستەنبۆلێ فرۆکەک ژ رێیا خوە دەرکەفت و هژمارەکا نەفەران بریندار بووینە
ئەڤرۆ نیوز:
فرۆکەک ل فرۆکخانا سەبیحە گۆکچەن ل ئیستەنبۆلێ، ب ١٧٧ نەفەران ڤە د دەمێ دادانێ دا ژ ڕێیا خوە دەرکەفت و پاشی بوویە سێ پارچە و لدووڤ ئامارێن دەستپێکی ٥٢ کەس بریندار بووینە.
کەنالێ سی ئێن ئێن یێ تورکی گۆتیە، ئەو فرۆکە سەر ب کۆمپانیا پێگاسوسی یا تورکیە و ل ئیزمیرێ بەرەف ئیستەنبۆلێ گەشت کریە، د دەمێ دادانێ دا نەشیایە خوە ل سەر رێیا خوە بگریت و کەفتیە خوارێ و ب وێ سەدەمێ ژی بوویە سێ پارچە.
هەروەسا عەلی یەرلیکایە پارێزگارێ ئیستەنبۆلێ راگەهاند، هەتا دەمژمێر ٧:٤٠ خولەک ل فرۆکخانا سەبیحە گۆکچەن مە ٥٢ بریندار هەنە و ب ئامبولانسێ بۆ نەخۆشخانێ هاتینە ڤەگۆهاستن.
