په‌یڤدارێ چه‌كدارێن ئیرانێ: ئارمانجا مه نه كوشتنا سه‌ربازانه به‌لكۆ په‌یامه‌ك بوو بۆ ئه‌مریكا
ئه‌ڤرۆ نیوز:
په‌یڤدارێ ده‌سته‌یا ئه‌ركانیا گشتی یێن هێزێن چه‌كدارێن ئیرانێ راگه‌هاند: هیزێن ئه‌مریكا زیانه‌كا مه‌زن ڤێ كه‌ت ژ ئه‌وێ هێرشا موشه‌كیا ئیرانێ بۆ سه‌ر بنگه‌هین سه‌ربازی یێن وێ ل عیراقێ ئه‌نجامداین، ئه‌مریكا بڤان نێزیكان دێ دان ب وێ راستیێ دانیت.
عه‌مید ئه‌بو فازل په‌یڤدارێ ده‌سته‌یا ئه‌ركانیا گشتی یێن هیزێن چه‌كدارێن ئیرانێ راگه‌هاند: 15 خوله‌كا به‌ری هێرشا موشه‌كیا سه‌ر بنگه‌هێن سه‌ربازی یێ عه‌ین ئه‌سه‌د هیزێن ئه‌مریكا ئه‌نجام بده‌ین، سه‌رۆك وه‌زیری ئیرانێ عیراق ئاگه‌هدار كر بوو، ژبه‌ركۆ ئه‌م وه‌لاته‌ك نینن بێ وه‌رگرتنا ره‌زامه‌ندیێ ده‌ستدرێژیێ بكه‌ینه سه‌ر وه‌لاته‌كێ دی، هێزێن ئه‌مریكا ب چ شێوه‌یه‌كی ژ ئه‌وێ هێرشێ نه‌هات بوونه ئاگه‌هداركرن، به‌لێ ئه‌و بخو د حاله‌تێ به‌رهه‌ڤبونێ دابوون.
په‌یڤدارێ ده‌سته‌یا ئه‌ركانیا گشتی یا هێزێن چه‌كدارێن ئیرانێ دیاركر د ئه‌وێ هێرشێ دا زیانه‌كا مه‌زن به‌ر هێزێن ئه‌مریكا كه‌ت ل ئه‌وی بنگه‌هی، ئه‌مریكا یا نه‌چاره ل چه‌ند رۆژێن بهێت راستیان بێژن، بزاڤا مه كۆشتنا چه‌ند سه‌ربازه‌كا نینه به‌لكۆ په‌یامه‌كه بۆ ئه‌مریكا ئیران نه وه‌ك چ وه‌لاتێن دی یه و دێ هه‌ر ب وێ هێز و خوراگریێ مینیت.
