سیاسەتمەدارەک ب ترۆمبێلا خوە ڤە ل گۆرستانێ هاتە ڤەشارتن
ئەڤرۆ نیوز:
تەزکید بیتسۆ یێ تەمەن ٧٢ سالی و ئەندامێ حزبا دیموکراتا ئێکگرتی ل باشورێ ئەفریقا، پشتی مرنا وی ل گەل ترۆمبێلا وی د گۆری دا هاتە ڤەشارتن.
وی سیاسەتمەداری بەری دو سالان ترۆمبێلەک ژ جۆرێ مەرسیدس-بێنزE500، کری بوو، هەروەک مالپەرێ سەندیاتای پۆست دا هاتیە.
مالباتا وی د مەراسیما ڤەشارتنا وی دا، قات و رێکخستنەکا باش یا جلکان بۆ بیتسۆ کریە و دناڤ تڕۆمبێلا وی دا دانایە و قایشا سلامەتیێ ژی بۆ گرێدایە، ب وی رەنگی کریە د ناڤ گۆری دا و ڤەشارتیە.
کەسێن نێزیکی وی دبێژن، بیتسۆ ئێک بوویە ژ وان کەسێن کو گەلەکێ سەرسام بوو ب ترۆمبێلێن ئەلمانی، بەری بمریت وەسیەت کربوو، کو دەمێ ئەو بمریت وی ب ترۆمبێل ڤە ڤەشێرن.
