ئالیەتەکا نوو بۆ قەرەبالغا دناڤ دەروازا ئیبراهیم خەلیل دا دهێتە دانان
ئەڤرۆ نیوز، عەلی حاجی :
ژێدەرەکێ باوەر پێکری ژ دەروازا نێڤ دەولەتیا ئیبراهیم خەلیل بۆ ئەڤرۆ نیوز ئاشکەرا کر نوکە دا کار ل سەر دانانا میکانیزمەکا نوو دهێتە دانان دا کو ئەو جهێن شوفێرێن ترومبێلێن بارهەلگر لێ کوم ڤە دبن ئەو قەرەبالغی نەمینیت.
زێدەتر وی ژێدەری گوت: ( پشتی ل چەندین دەزگایێن راگەهاندنێ و سوشیال مێدیایێ دا چەند وێنەیەکێن جهێ شوفێران دناڤ دەروازێ ئیبراهیم خەلیل دا بەلاڤ بووین و ترسا خەلکەکی ژ بەلاڤ بونا ڤایروسێ کورونایێ ل وی جهێ شوفێران پەیدابوویی،وەکو رێڤەبەریا دەروازا ئیبراهیم خەلیل کار سەر دانان میکانیزمەکا نوو دهێتە کرن و نوکە ژی پێنگاڤێن کارکرنێ ل سەر وێ میکانیزما نوو بەردەوامن و ئەز ل وێ باوەرێ مە هەتا دەست پێکا حەفتیق بهێت ئەو میکانیزمە دێ کەڤیتە د بوارێ جێبەجێ کرنێ دا و هەمی ئارمانچ ژی ژ وێ چەندێ ئەوە ئێدی شوفێرێن ترومبێلێن بارهەلگر ب شێوازێ ژبەری نوکە کومڤە نەبن ب ب تایبەتی ئەو جهێ شوفێر مامەلەیێن خوە ب رێڤە دبەن ل دووف میکانیزما نوو پێدڤ یە ئێک ئێکە مامەلەیێن وان ب هێنە ب رێڤە برن و میکانیزما ژبەری نوکە نەهێتە جێبەجێ کرن).
وی ژێدەری ئەو چەندە ژی دیار کر دناڤ دەروازەیێ ئیبراهیم خەلیل دا رێکارێن باش هاتینە دانان و دناڤ ترومبێلێ و ژدەرڤە ژی ب دەرمانێ دژە ڤایروس دهێتە رەشاندن و ب چو رەنگان ژی بەرکەڤتنا شوفێرێن وەلاتێ تورکیا و هەرێما کوردستانێ نینە و ئەڤە ژی ل دووف بریارا هەر دو دەروازەیێن خابور و ئیبراهیم خەلیلن .