جیهان: هژمارا توشبوویێن کۆرۆنا یێ گەهشتە پتری دو ملیۆن کەسان
ئەڤرۆ نیوز:
هژمارا توشبوویان ب ڤایرۆسێ کۆرۆنا یێ ل جیهانێ، گەهشتە پتری دو ملیۆن کەسان و هژمارا گیان ژ دەستدانێ ژی گەهشتە پتری ١٢٦ هزار و ٧٥٠ کەسان، هەتا نوکە پتری ٤٨٤ هزار و ٥٠٠ کەس ژ ڤێ نەخۆشیێ چێبووینە.
ئەمریکا د پلا ئێکێ یا وەلاتێن جیهانێ دایە کو زۆرترین هژمارا توشبوون و گیان ژ دەستدانێ ب کۆرۆنا یێ تێدا هاتینە تۆمار کرن، نوکە هژمارا توشبوویان گەهشتیە ٦١٤ هزار و ٢٤٦ کەسان و زێدەتری ٢٦ هزار کەسان ژیانا خوە ژ دەستدایە.
ل ئیسپانیا ژی هەتا نوکە ١٧٤ هزار کەس توشبووینە و زێدەتری ١٨ هزار کەسان ژی ژیانا خوە ژ دەستدایە، ئیتالیا ژی پلا سییێ گرتیە، هژمارا توشبوویان تێدا گەهشتیە ١٦٢ هزار و ٤٨٨ کەسان و هژمارا وان کەسێن ژیانا خوە ژ دەستداین گەهشتیە پتری ٢١ هزار کەسان.