جوبایدن: هه‌كه سه‌ركه‌فتم د هه‌لبژارتنان دا دێ ب فه‌رمی دان ب جینوسایدكرنا ئه‌رمه‌نان دانم
ئه‌ڤرۆ نیوز:
به‌ربژاره‌كێ سه‌رۆكاتیا ئه‌مریكا راگه‌هاند هه‌كه ل هه‌لبژارتنێن سه‌رۆكاتیا ئیسال سه‌ركه‌ڤتم، ئه‌ڤه دێ ب فه‌رمی دان ب جینوسایدكرنا ئه‌رمه‌نان ل سالا 1915 ل سه‌ر ده‌ستێ عوسمانیان دانم.
جوبایدن جێگرێ به‌رێ یێ سه‌رۆكێ ئه‌مریكا و به‌ربژارێ چاڤه‌رێكری یێ دیموكراتان راگه‌هاند: هێشتا ئه‌مریكا ب فه‌رمی دان ب جینو‌سایدا ئه‌رمه‌نان نه‌دانایه، هه‌كه نه‌شێت بیره‌وه‌ریا ئه‌وێ روودانا دیرۆكی زیندبهێلیت، ئانكو مفا ژ ئه‌وێ وانه‌یێ وه‌رنه‌گرتیه.
به‌ربژارێ دیموكراتا بۆ سه‌رۆكاتیا ئه‌مریكا راگه‌هاند: هه‌كه وه‌ك سه‌رۆكێ ئه‌مریكا هاتمه هه‌لبژارتن، دێ پشته‌ڤانیێ ل پرۆژێ یاسایا ب جینوسایدكرنا ئه‌رمه‌نان كه‌م، هه‌ڤده‌م دوسه‌یا مافێ مرۆڤی ل جیهانێ كه‌مه كارێن پێشین یێن خۆ.
جوبایدن هه‌ڤده‌م داخاز ژ توركیا كر دان ب ئه‌نجامدانا جینوسایدكرنا ئه‌رمه‌نان دابنیت كۆ ل سه‌ر ده‌مێ ده‌سه‌لاتا عوسمانی بوویه و قه‌ره‌بوویا ئه‌وێ تاوانێ ژی بكه‌ت.