وه‌زاره‌تا ساخله‌میێ: هنده‌ك ڤایرۆسی ب مه‌ترسی نزانن و گوهداریا رێنمایێن خوپاراستنێ ناكه‌ن
ئه‌ڤرۆ نیوز:
په‌یڤدارێ وه‌زاره‌تا ساخله‌میا حكومه‌تا هه‌رێما كوردستانێ راگه‌هاند رێژه‌یه‌كا زۆرا ژماره‌یا توشبوویێن ڤایرۆسێ كورنایێ هاته توماركرن، ئه‌وا جهێ مه‌ترسیێ یه پشكه‌ك ژ وه‌لاتیان ڤایرۆسی ب مه‌ترسی نزانن و گوهداریا رێنمایێن خوپاراستنێ ناكه‌ن.
د.مه‌حه‌مه‌د قادر په‌یڤدارێ وه‌زاره‌تا ساخله‌میا حكومه‌تا هه‌رێما كوردستانێ راگه‌هاند: ب ئه‌گه‌رێ پێگیرنه‌بوونا وه‌لاتیان ب رێكارێن خوپارێزیێ و گوهنه‌دان ب رێنمایێن وه‌زاره‌تێ، جهێ داخێ یه ل چه‌ند رۆژێن بوری رێژه‌كا زۆرا ژماره‌یا توشبوویێن ڤایرۆسێ كورونایێ ل ته‌ڤایا پارێزگه‌هێن هه‌رێما كوردستانێ هاته توماركرن، ئه‌ڤه ژی جهێ ئاماژه‌یێن مه‌ترسیدار ل دیڤ دا هه‌نه.
د.مه‌حه‌مه‌د قادر په‌یڤدارێ وه‌زاره‌تا ساخله‌میا حكومه‌تا هه‌رێما كوردستانێ ئه‌و چه‌نده ژی راگه‌هاند بلند بوونا ژماره‌یا توشبوویێن ل پارێزگه‌ها عیراقێ و بێ ئاگه‌هداربوونا وه‌لاتیان و سیاسیكرنا كورونایێ، بوویه ئه‌گه‌رێ بلند بوونا ژماره‌یا توشبوویێن ڤایرۆسی ل هه‌رێما كوردستانێ و پشكه‌ك ژ وه‌لاتیان ڤایرۆسی ب مه‌ترسی نزانن و گوه ناده‌نه رێنمایێن خۆپارێزێ.
په‌یڤدارێ وه‌زاره‌تا ساخله‌میا حكومه‌تا هه‌رێما كوردستانێ ئه‌و چه‌نده ژی دیاركر ئه‌ڤا ل قوناغا نوكه‌دا دیار جهێ مه‌ترسیێ یه كۆ ژماره‌یا توشبوویان ژێده‌رێ وێ ناهێته زانین چه‌وا و ل كیرێ توشی ڤایرۆسی بووینه، كۆ ئه‌ڤه ل ده‌مێ بوری یا كێم بوو، له‌ورا پێدڤیه وه‌لاتی مه‌ترسیێ ب جدی وه‌ربگرن و ب ته‌مامی پێگیری رێنمایێن خو پارێزێ بن.
