وه‌زیری ساخله‌میا عیراقێ: ده‌رمانێ رووسی بو ڤایرۆسێ كورونایێ هاته دابینكرن
ئه‌ڤرۆ نیوز:
حه‌سه‌ن ته‌میمی وه‌زیرێ ساخله‌میا عیراقێ راگه‌هاند ل گه‌ل كۆمپانیا ئه‌سترازینیكا ده‌ست ب دانوستاندن و په‌یوه‌ندیكرنێ بۆ دابینكرنا چاره‌سه‌ریا ڤایرۆسێ كورونایێ كریه.
حه‌سه‌ن ته‌میمی وه‌زیرێ ساخله‌میا عیراقێ ئه‌و چه‌نده ژی راگه‌هاند كۆ وه‌زاره‌تا ساخله‌میێ په‌یوه‌ندی ب كۆمپانیا ئه‌سترازینیكا كریه كۆ ل قوناغا دوێ یا پرۆسه‌یا به‌رهه‌م ئینانا چاره‌سه‌ریێ دایه و پشكه‌كا ژ ئه‌وی به‌رهه‌می بۆ عیراقێ هاته دابینكرن، د ده‌مه‌كی دا تا نو چ چاره‌سه‌ری بۆ ڤایرۆسێ كورونایێ نه‌هاتینه دیتن، ده‌رمانێ روسی ژ هه‌ر ده‌رمانه‌كێ دی یێ هه‌تا نوكه هاتیه چێكرن باشتر بوویه.
سه‌یف به‌در په‌یڤدارێ وه‌زاره‌تا ساخله‌میا عیراقێ راگه‌هاند مه بریار دایه ده‌رمانێ ئه‌ڤیفاڤیر یێ روسی تایبه‌ت ب ڤایرۆسێ كورونایێ ب ئاوایه‌كێ ئه‌زموونی بكار بینن و پێشوازیێ ژی ل هه‌ر كۆمپانیه‌كا ئه‌هلی و حكومی دكه‌ین ده‌رمانی بهینته عیراقێ.
