د. بلند به‌یار: قه‌له‌وی كانیه‌كه بوۆ په‌یدابوونا نه‌خۆشیێن دومدرێژ
ئه‌ڤرۆ، شڤان لقمان:
د. بلند به‌یار, تایبه‌تمه‌ندێ نه‌خوشیێن شه‌كر و غدێ دیاركر قه‌له‌وی نه‌خوشیه‌كا هه‌ڤچه‌رخه و گرێدای مێشكیه و گۆت: گه‌له‌ك ئه‌گه‌ر هه‌نه بو نه‌خوشیا قه‌له‌ویێ و كانیكه‌كه بو نه‌خوشیێن دۆمدرێژ ژ وان ئه‌گه‌ران دبیت بو ماوه‌ی بیت یان خارنا نه‌ساخله‌م بیت یان كێم رێڤه‌چون بیت هه‌روه‌سا كارتێكرنێن ده‌رونی یان هنده‌ك جورێن ده‌رمانان كارتێكرنێ سه‌ر قه‌له‌وییا مروڤی دكه‌ت، هه‌روه‌سا گه‌له‌ك ئه‌گه‌رێن دی هه‌نه.
تایبه‌تمه‌ندێ نه‌خوشیێن شه‌كر و غدێ دازانین بو رێگیریكرنێ ژ قه‌له‌ویێ پێدڤیه دایك شیرێ خوه بده‌ته زاروكێ خوه هه‌تا شه‌ش هه‌یڤیێ داكو یێ پاراستی بیت ژ قه‌له‌ویێ وگۆت: ده‌مێ خارنێ ده‌ست پێدكه‌ی و ده‌یه زاروكێ خوه پێدڤیه وان خوارن و كه‌ره‌ستان بكاربینی یێ نوشدار دبێژیت، ئه‌گه‌ر دایك هه‌لگرا نه‌خوشیا شه‌كرێ بیت و زاروكه‌ك هه‌بیت كێشاوی یا زێده‌بیت ژ پێنگاڤێن هه‌ره گرنگ دا كو بێته پاراستن ژ نه‌خوشیا شه‌كرێ و قه‌له‌ویێ پێدڤیه دایك شیرێ خو بده‌ته زاروكی حه‌تا ژیێ شه‌ش هه‌یڤیێ. د. بلند به‌یار خویاكر رێكێن چاره‌سه‌ریا قه‌له‌ویی یان كێشا زێده كو حیاوازیا هه‌ی و گوت: باوه‌ری و ئیراده هه‌بیت و بریار دابیت دێ كێشا له‌شێ خو ینیه خارێ, گه‌له‌ك رێك هه‌نه هه‌روه‌سا گه‌له‌ك جورێن رجێم و جورێن كیتو و پروتیناتا هه‌روه‌سا كاربوهایدراتا هه‌نه كو باشی و خرابیا خو هه‌نه یا ژ خرا گرنكتر پێتڤیه چه‌ند خاله‌كا جێبه‌جێ بكه‌ی ژ وانژی نڤستن پێدڤیه یا رێكخستی بیت روژانه ژ شه‌ش ده‌مژمێرا حه‌تا حه‌فت ده‌مژمێران و زاروك پێدڤی پتر نڤستنێ یه هه‌روه‌سا وه‌رزشه‌كا باش روژانه 30 خوله‌كا و 150 خوله‌ك د حه‌قتیه‌كێدا كێمتر نه‌بیت مروڤ ئه‌نجام بده‌ت, هه‌روه‌سا خوارنه‌كا ته‌ندورست كو پێدڤیه مروڤ تێشتێ گه‌له‌ك بخوت و قراڤینێ كێمتر بخوت و شیڤێ خوارنا خو گه‌له‌ك كێم بكه‌ت. هه‌روه‌سا دیاركر هنده‌ك نه‌خوش پێدڤی بكار ئینانا ده‌رمانانن ژ وانژی ئه‌و كه‌سێن غدا وی درست كارنه‌كه‌ت كو دبێژنێ غدا لاواز(كسلان) یان نه‌خوشیێن دلی هه‌بن كو گه‌له‌ك ئاڤ دناڤا له‌شێ ویدا كوم دبیت هه‌روه‌سا ئه‌و كه‌سێن نڤستنا وان نه‌یا رێكوپێك و سترێس یاهه‌ی هنده‌ك جاران پێتڤی ده‌رمانان دبن.
