بازرگانەک ب تریاک ڤە ل زاخۆ ھاتە گرتن
زاخۆ:
ئاسایشا زاخۆ راگەھاند، وان ل گەل پاراستنێ ل زاخۆ بازرگانەک ب پێنج کیلۆیێن مادێ بێھۆشکەر ڤە دەستەسەر کر کو دا ژ ھەرێمێ ڤەگۆھێزیتە وەلاتێ تورکیا.
نەقیبێ مافپەروەر ئەدیب جەعفەر بەرپرسێ ڤەکۆلینێ ل ئاسایشا زاخۆ بۆ رۆژناما ئەڤرۆ ئاشکرا کر کو ئەڤ بازرگانە خەلکێ ھەرێمێ یە و ژیێ وی ٣٧ سالن و ئەو پێنج کیلۆیێن مادێ بێھۆشکەر ژ وەلاتێ ئیرانێ ئینابوونە د ناڤ ھەرێمێ دا و گۆت:(ل دووڤ بڕیارا دادوەرێ ڤەکۆلینا زاخۆ گونەھبار ل گۆر بەندا چواردە ل سەر دو ژ قانوونا نەھێلانا مادێن بێھۆشکەر یا عیراقێ ھاتیە دەستەسەرکرن).
ئەدیب جەعفەر خویا ژی کر کو ل ڤان رۆژان چەند کەس ب تومەتا بکارئینانا مادێن بھۆشکەر دەستەسەرکرینە.
