ئنه‌خۆشیێن ب رێیا سێكسی بو ژنێن دوگیان دهێنه ڤه‌گوهاستن
ئه‌ڤرۆ، به‌رپه‌رێ ساخله‌میێ:
دشیاندایه ژنا دوگیان تووشی نه‌خۆشیێن ب رێیا سێسكی دهێنه ڤه‌گوهاستن ببیت، هه‌كه تو هه‌لگرا وان نه‌خۆشیایی ل ڤێرێ دێ چه‌ند پێزانینان ده‌ینه ته.
ئه‌رێ ژنا دوگیان پێدڤی ب پشكنینێن ده‌ستنیشانكرنا نه‌خۆشیێن ب رێیا سێسكسی دهێنه ڤه‌گوهاستن هه‌یه؟
ره‌نگه نه‌خۆشیێن ب رێیا سێكسی دهێنه ڤه‌گوهاستن ببنه ئه‌گه‌رێ هنده‌ك مه‌ترسیان ل سه‌ر ساخله‌میا ژنا دوگیان و زارۆیێ وێ، ژ ئه‌نجامێ ڤێ چه‌ندێ پتریا جاران پشكنین دهێنه كرن بو ده‌ستنیشانكرنا نه‌خۆشیێن ب رێیا سێكسی دهێنه ڤه‌گوهاستن، وه‌كو ئایدزێ، هه‌ودانا جگه‌رێ یا ڤایرۆسی بی و سفلس و زوهری ب شێوه‌یه‌كێ گشتی هه‌ر ژ سه‌ره‌دانا ئێكێ به‌ری زارۆ ببیت بو هه‌موو ژنێن دوگیان، هه‌روه‌سا شیره‌تان دكه‌ین كو پشكنین بهێنه كرن هه‌ر چ نه‌بیت جاره‌كێ د ده‌مێ دوگیانیێ دا بو نه‌خۆشیا سێلانێ و هه‌ودانا جگه‌رێ یا ڤایرۆسی، چونكو ژن پتر به‌رهه‌ڤن تووشی وان ببن، چونكو دبیت چ نیشان ل ده‌ڤ ژنێ دیارنه‌كه‌ن و تووش ببیت.
چاوا زارۆ د زكێ دایكێ دا تووشی نه‌خۆشیێن ب رێیا سێكسی دهێنه ڤه‌گوهاستن دبیت؟
دشیاندایه نه‌خۆشیێن ب رێیا سێكسی دهێنه ڤه‌گوهاستن گه‌له‌ك سه‌رباركان بو ژنێن دوگیان په‌یدابكه‌ت وه‌كو:
- ڤایرۆسێ كێمكرنا به‌رگریا له‌شێ مرۆڤی( ئایدز)، دبیت ئه‌ڤ ڤایرۆسه ژ دایكێ بو زارۆی بهێته ڤه‌گوهاستن د ماوێ دوگیانیێ یان زارۆبوونێ دا، یان ب رێیا شیردانا سرۆشتی، دگه‌ل ڤێ چه‌ندێ، هه‌كه نه‌خۆشی بهێته ده‌ستنیشانكرن به‌ری دوگیانیێ یان د قۆناغه‌كا به‌روه‌خت دا، دێ هنده‌ك پێنگاڤ هه‌بن بو كێمكرنا مه‌ترسیا ڤه‌گوهاستنا وێ.
- هه‌ودانا جگه‌رێ ب: ئه‌ڤ جورێ هه‌ودانا جگه‌رێ دشیاندایه ژ دایكێ بهێته ڤه‌گوهاستن بو زارۆكی د ماوێ دوگیانیێ دا، ده‌مێ نێزیكی زارۆبوونێ دبیت هێشتا مه‌ترسیا ڤه‌گوهاستنێ پتر لێ دهێت، دشیاندایه رێك ل ڤه‌گوهاستنێ بهێته كرن هه‌كه ده‌مه‌كێ كێم به‌ری زارۆبوونێ زارۆ بهێته چاره‌سه‌ركرن.
- زوهری: تووشبون ب ڤێ نه‌خۆشیێ یا گرێدایه ب دوگیانیێ ڤه تایبه‌ت ب زارۆبوونا پێشوه‌خت یان زارۆ دمریت دزكدا یان راسته‌وخو پشتی زارۆبوونێ، دشیاندایه ئه‌ڤ نه‌خۆشیه دماوێ دوگیانیێ دا بهێته ڤه‌گوهاستن و ده‌مێ چاره‌سه‌ریا زارۆی نه‌هاته كرن ره‌نگه تووشی ئاریشێن جوراوجور ببیت.
- نه‌خۆشیا سێلان: ده‌مێ نه‌هێته چاره‌سه‌ركرن د ماوێ دوگیانیێ دا دێ بیته ئه‌گه‌رێ ژ به‌رچوونا زارۆكی یان زارۆبوونه‌كا پێشوه‌خت یان په‌یدابوونا زارۆیه‌كی كو سه‌نگێ وی یێ كێم بیت و دبیت ئه‌ڤ نه‌خۆشیه ژ دایكێ بو زارۆكی بهێته ڤه‌گوهاستن دده‌مێ زارۆبوونێ دا.
- هه‌ودانا جگه‌رێ سی: هنده‌ك ڤه‌كولین ئاماژه ب وێ چه‌ندێ دكه‌ن كو تووشبوون ب هه‌ودانا جگه‌رێ سی، د ماوێ دوگیانیێ دا مه‌ترسیا زارۆبونا پێشوه‌خت و زارۆیه‌كێ كێم سه‌نگ زێده‌دكه‌ت و دشیاندایه د ماوێ دوگیانیێ دا ژ دایكێ بو زارۆی بهێته ڤه‌گوهاستن.
