شۆخانێ ب سۆپه‌ر هاتریك دیرۆك د خولا سعۆدیێ دا تۆماركر
ئه‌ڤرۆ، قه‌یس وه‌یس
یاریزانا كورد و هه‌لبژارتیا ئیراقێ بۆ یاریا فۆتسالێ شۆخان نوره‌دین وه‌كو كچا ئێكانه كورد بهێته ڤه‌گۆهاستن بۆ خولا سعودیێ و ببیته یاریزانه‌كا پیشه‌كار دیسان د یاریا خوه یا ئێكێ دا ل گه‌ل یانا خوه یا نوو هیلال سۆپه‌ر هاتریك تۆماربكه‌ت و به‌ر ب سه‌ركه‌فتنا ئێكێ د وه‌رزێ نوو یێ خولا سعودیێ دا ببه‌ت ب چار گۆلان به‌رامبه‌ر دو گۆلان.
ل دووڤ ژێده‌رێن رۆژنامه‌ڤانی ل وه‌لاتێ سعودیێ كو كچا كورد شۆخان نورده‌ین ل چارشه‌مبیا بوری گه‌هشتبوو وه‌لاتێ وان و گرێبه‌ستا یانا هیلال ئیمزاكربوو، ل رۆژا پێنچ شه‌مبی یه‌كا راهێنانێ ل گه‌ل تیما خوه یا نوو كریه و دووڤدا ل رۆژا ئه‌ینی یاریا ئێكێ ژ خولا پلا ئێكا سعودیێ یا ته‌پا پێی پشكداربوویه و شیایه چار گۆلێن یانا خوه تۆماربكه‌ت وه‌كو سۆپه‌ر هاتریك و سه‌ركه‌فتنێ ل سه‌ر یانا شه‌باب 4-2 گۆلان بینن و وه‌كو باشترین یاریزانا یاریێ هاته ده‌ستنیشانكرن.
