مباپی: پاریسێ‌ سۆزا خوه‌ ب جه نه‌ئینا

ئه‌ڤرۆ،

راپۆرتێن رۆژنامه‌ڤانی ل وه‌لاتێ‌ فره‌نسا دۆپاتی ل سه‌ر ئاریشا د ناڤبه‌را یانا پاریس سانجێرمان و ستێرا تیمێ‌ كێلیان مباپی كرن ئه‌وێ‌ چوونا خوه‌ ژ یانێ‌ دوور نه‌كریه‌ و گازنده‌ ژ سه‌ره‌ده‌ریا وان هه‌مبه‌ری وی دكه‌ت.

رۆژناما لیكیپ یا فره‌نسی دیاركر مباپی به‌رهه‌ڤه‌ ئه‌و به‌ندێ‌ تایبه‌ت یێ‌ گرێبه‌ستێ‌ د ناڤبه‌را وان دا بجه بینت و گرێبه‌ستا خوه‌ یا هه‌تا سالا 2025 ب هه‌لوه‌شینت و دیاركری كو یانا پاریس ل سه‌ر سۆزا خوه‌ لێڤه‌بوویه‌ و بجه نه‌ئینایه‌ و ئه‌ز خاپاندیمه‌ ژ وانا دڤێت هه‌ردو ستێرێن یانێ‌ یێ‌ ئه‌رجه‌نتینی لۆنێل مێسی و یێ‌ به‌رازیل نیمار دا سێلڤا بهێنه‌ دوورخستن، هه‌روه‌سان ئه‌و ببیته‌ كاپتنێ‌ تیمێ‌ بێ‌ ڕكابه‌ر بیت، ل ده‌ستپێكێ‌ ئه‌ڤان خالا سه‌رۆكێ‌ یانێ‌ یێ‌ قه‌ته‌ری ناسر ئه‌لخلیفی رازیبوو و سۆزدا لێ‌ پشتی گرێبه‌ست ئیمزاكری ل سه‌ر سۆزا خوه‌ لێڤه‌بوو، له‌وما مباپی یێ‌ بزاڤا دكه‌ت هه‌تا ڤه‌گۆهاستنێن زڤستانێ‌ گرێبه‌ستا خوه‌ ب هه‌لوه‌شینیت و نێزكترین یانه‌ بوو مباپی ریال مه‌دریده‌.

کۆمێنتا تە