ئه‌ڤرۆ چار قاره‌مانی ل سه‌ر ئاستێ په‌روه‌ردێن پارێزگه‌هێ دێ هێنه ئه‌نجامدان
ئه‌ڤرۆ،
د داخویانیه‌كێ دا رێڤه‌به‌رێ چالاكیێن وه‌رزشی و دیده‌ڤانی ل په‌روه‌رده‌یا گشتی یا پارێزگه‌ها دهۆكێ دیاركر ئه‌ڤرۆ دێ چار قاره‌مانیێن جودا ل سه‌ر ئاستێ نه‌ه په‌روه‌رده‌یێن قه‌زا ل هه‌ردو هۆلێن وه‌رزشی یێن یانا دهۆك و چالاكیێن وه‌رزشی بۆ قۆناغێن ئاماده‌یی و بنه‌رت هێنه كرن.
زێده‌تر ئیحسان حه‌سه‌ن زوبێر بۆ رۆژناما ئه‌ڤرۆ گۆت: ل دووڤ نه‌خشێ سالانه یێ وه‌زاره‌تا په‌روه‌ردا هه‌رێما كوردستانێ و ب هه‌ڤكاری ل گه‌ل رێڤه‌به‌ریا گشتی یا چالاكیێن وه‌رزشی و دیده‌ڤانی ئه‌ڤرۆ دێ چار قاره‌مانی ل سه‌ر ئاستێ كوڕان و كچان بۆ قۆناغێن ئاماده‌یی و بنه‌رت هێنه كرن و ئه‌و قاره‌مانی ژی ب ڤی ره‌نگی نه، یێن ئاماده‌یی باسكێت بۆل 3*3 كچ و كوڕان و ڤۆلی بۆل بۆ كوڕان، هه‌روه‌سان ل سه‌ر ئاستێ بنه‌رت یاریا ته‌پا مێزێ بۆ كوڕ و كچان و فۆتسالی بۆ كچان دێ هێنه ئه‌نجامدان و سه‌ركه‌فتیێن ئێكێ دێ ژلایێ لژنه‌كا تایبه‌تمه‌ند بۆ ژێگرتنا باشترین یاریزانان ژبۆ هه‌لبژارتیێ په‌روه‌رده‌یا گشتی یا پارێزگه‌ها دهۆكێ پێخه‌مه‌ت به‌رهه‌ڤی بۆ قاره‌مانیا هه‌رێما كوردستانێ ل سه‌ر ئاستێ په‌روه‌رده‌یان.
بۆ زانین هه‌ر نه‌ه په‌روه‌رده‌یێن پشكدار ئه‌و ژی، دهۆك رۆژهه‌لات، دهۆك رۆژئاڤا، سێمێل، شێخان، شنگال، ئاكرێ، ئامێدیێ، به‌رده‌ره‌ش و تلكێف ئه‌وا دێ هه‌ڤڕكیێن وان ب شێوێ كه‌فتنا دوجاركی هێنه ئه‌نجامدان.
