زاخۆ و شۆرته د كۆپیتكا یاریێن ئه‌ڤرۆ دا
ئه‌ڤرۆ،
دهێته چاڤه‌ڕێ كرن ئه‌ڤرۆ تیما باسكێت بۆلا یانه‌یا زاخۆ ب هێزتر یاریێن خوه یێن خولا پلا نایابا ئیراقێ هه‌مبه‌ر خودانێن ئه‌ردی یانه‌یا شورته یا به‌غدایی بن، د چارچووڤێ هه‌ڤڕكیێن گه‌ڕا 11ێ و د كۆمپیتكا یاریێن ئه‌ڤرۆ دا ئه‌وا دێ ل هۆلا گرتیا شه‌عب یا نێڤده‌وله‌تی هێته كرن.
كوڕێن خابووری ژ سه‌رجه‌مێ نه‌ه یاریێن بوری شه‌ش سه‌ركه‌فتن، سێ خوساره‌تی داینه و یاریه‌كێ چاڤه‌ڕێ یه 15 خال كۆمكرینه و رێزا شه‌شێ دهێت، یانه‌یا شورته هه‌شت یاری ئه‌نجامداینه و حه‌فت سه‌ركه‌فتن و ئێك خوساره‌تی هه‌یه ب 15 خالان رێزا پێنجێ دهێت، ئه‌وا نوكه یانه‌یا نه‌فت ب 19 خالان سه‌رێ لیستێ دهێت.
ل دۆر دووماهی به‌رهه‌ڤیێن تیما زاخۆ جوتیار عه‌لی هاریكارێ راهینه‌رێ تیمێ بۆ رۆژناما ئه‌ڤرۆ گۆت: هه‌ر یاریه‌كا ئه‌م دكه‌ین بۆ مه گرنگه، یاریا ئه‌ڤرۆ ب سانه‌هی نابیت هه‌مبه‌ری تیما شورته ئێك ژ هه‌ڤڕكێن ناسناڤی یه و تیمه‌كا پرانیا یاریزانێن وێ هه‌لبژارتیێ ئیراقێ و پیشه‌كارێن تۆب هه‌نه، لێ ئه‌م رژدین هه‌تا دووماهی چڕكه بۆ ده‌ستڤه ئینانا خالێن یاریێ، هه‌موو یاریزان به‌رهه‌ڤن سه‌رباری گڤاشتێن یاریان كۆ دڤێ حه‌فتیێ دا ئه‌ڤه دو یاری ل دووڤ ئێك و ئه‌و ڕێكا ژ زاخۆ هه‌تا به‌غدا ماندیبوون هه‌بوویه، هه‌رچه‌نده ژی هه‌ڤڕكی بۆ رێزێن ئێكێ بزه‌حمه‌ته لێ یا دشیان دابیت بۆ رێزێن ناڤین دێ به‌رده‌وام هه‌ڤڕكیێ كه‌ین، یاریێن بهێز دێ ب هێزتربن و ئه‌ركێ مه ب زه‌حمه‌تره.
