سێمێل خوساره‌ت بوو و ئه‌ڤرۆ گاره هه‌مبه‌ری هه‌لۆ بیت
ئه‌ڤرۆ، قه‌یس وه‌یس
بڕیاره ئه‌ڤرۆ چار یاریێن مایی ژ گه‌ڕا دویێ یا هه‌ڤڕكیێن خولا پلا ئێكا كوردستانێ یا ته‌پا پێی ل ده‌مژمێر دو یێ پشتی نیڤرۆ بهێنه ئه‌نجامدان،
یانا گاره دێ بیته مێڤانا یانا هه‌لۆ ژ گرنگترین یاریێن وێ دا، خودانێن ئه‌ردی ب هێز هاتینه دناڤ خولێ دا، هه‌مبه‌رێ وێ نوونه‌را پارێزگه‌هێ دێ ب تیمه‌كا گه‌نج و كۆمه‌كا ئاسته‌نگا تایبه‌ت لایه‌نێ دارایی بزاڤێ كه‌ت بتنێ ئه‌نجامه‌كێ باش ده‌ستڤه بینت، پێشتر د داخویانیه‌كێ دا راهێنه‌رێ گاره وه‌لات عه‌بدولخالق بۆ رۆژناما ئه‌ڤرۆ دیاركربوو كو سه‌رباری هه‌موو ئاسته‌نگان و كارتیكرنا دارایی ل سه‌ر تیمێ ئه‌و رژدن ل سه‌ر پشكداریه‌كا سه‌رفه‌راز و هه‌موو ژی گه‌نجێن سنۆرێ باژێرێ دهۆكێ نه و خوون گه‌رم و رژدن بۆ سه‌ركه‌فتنان و ئه‌ڤه ئارمانجا وایه.
ژ یاریێن دی، خاك- شۆرچه، برۆسك- پێشه‌سازی، بابان- قه‌لادز، هه‌روه‌سان ئه‌نجامێن یاریێن دوهی بڤی ره‌نگی بوون، زانكویا جیهان 0-1بابان، سلێمانی 8-1 برادۆست، ره‌واندۆز 0-1 خانه‌قین، رانیا 1-0 كۆیه.
