شه‌ش شیره‌ت بو وان كه‌سێن حه‌ز دكه‌ن بچنه هولێن وه‌رزشی
ئه‌ڤرۆ، به‌رپه‌رێ ساخله‌میێ:
ئامارێن جیهانی وه‌سان دیاردكه‌ن كو ل ده‌ستپێكا هه‌ر ساله‌كێ خه‌لكه‌كێ زوور ناڤێن خوه ل هولێن وه‌رزشی بو راهێنانان دنڤیسن و پشتی ده‌مه‌كێ كێم دهێلن، هه‌ر ئێكی ژی ئه‌گه‌ره‌ك هه‌یه بو هێلانێ، ژ بو وێ چه‌ندێ كو بشێی به‌رده‌وامیێ بده‌یه راهێنانێن خوه، یا باشتر ئه‌وه ڤان شیره‌تان بجهبینی:
1- گه‌له‌ك ژ كچان ب میكیاژ ڤه دچنه هولێن وه‌رزشی، میكیاژ پشتی خوهدانێ دبیته ئه‌گه‌رێ گرتنا كونكێن پیستی و پرسك و تاخمێن پیستی ژێ په‌یدادبن و دبنه ئه‌گه‌ر ته حه‌ز ل سه‌ر وه‌رزشێ نه‌بیت.
2- چو جاران شمكان ل پێ خوه نه‌كه، چونكو نه‌دووره كارتێكرنێ ل پێن ته بكه‌ن و باشتره هه‌رده‌م پۆتینێن وه‌رزشی ل پێن خوه بكه‌ی.
3- جلكێن ژ پامبی دهێنه چێكرن ل بره خوه نه‌كه، چونكو د سڤكن و ب ساناهی ته‌ر دبن، راسته كو باشیه‌ك ژی د كرنا ڤان جلكان دا هه‌یه كو ل ده‌مێ خوه له‌شێ ته دده‌ت ئه‌و جلك زوو له‌شێ ته زوها دكه‌ن، به‌لێ ته‌ربوونا وان دبیته ئه‌گه‌رێ وێ چه‌ندێ مرۆڤ هه‌ست ب سه‌رمایێ بكه‌ت.
4- هنده‌ك ژ كه‌سێن بو جارا ئێكێ سه‌ره‌دانا جێمێ دكه‌ن، ب وان كه‌سێن جلكێن بالكێش و سه‌یروسه‌مه‌ر دكه‌ن ل به‌خو بێزار دبن، یا باشتر ئه‌وه مایێ خوه د وان كه‌سان نه‌كه‌ی چونكو دبیت ئه‌و ب وان جلكان د ئارام بن و بشێن ب ساناهی وه‌رزشێ بكه‌ن.
5- دبیت ل ده‌مێ غاردانێ پێن ته ڤێك بكه‌ڤن و ب زریێن، باشتر ئه‌وه تو ڤازه‌لینێ ب كاربینی، چونكو هه‌كه به‌رده‌وام پێن ته ڤێك بكه‌ڤن دێ بیته ئه‌گه‌ر ئه‌و پیست ستوور و هشك ببیت و هه‌ودان ژی ژێ په‌یداببن.
6- باشتره جلوبه‌رگێن به‌رفره‌ه بن و له‌شێ ته بگرن، نابیت ب جلكێن به‌ردای وه‌رزشێ بكه‌ی، چونكو گه‌له‌ك جارا ژ ئه‌گه‌رێ وێ چه‌ندێ كو گه‌له‌ك كه‌س ل سه‌ر ئامیران راهێنانان دكه‌ن، نه‌دووره ئه‌و ئامیره پیس ببن و خوها گه‌له‌ك كه‌س پێڤه بمینیت و ئاریشێن پیستی ژێ په‌یداببن.
