خوه‌لێگدانا زاخۆ بوو قاره‌مانا كوردستانێ
ئه‌ڤرۆ، زاخۆ، عه‌لی حاجی:
تیما یانه‌یا زاخۆ شیا ناسناڤێ قاره‌مانیا هه‌رێما كوردستانێ بۆ یاریا خوه‌لێگدانا ئازاد ده‌ستخوه‌ڤه‌بینت پشتی یاریزانێن وێ شیاین د كێشێن جودا رێزێن ئێكی بهێن، د هه‌ڤڕكیێن واندا ئه‌وا دوهی هۆلا یانا ئاسۆ ل هه‌ولێرا پایته‌خت هاتیه ئه‌نجامدان.
ل دۆر ڤێ یه‌كێ ره‌عه‌د عومه‌ر راهێنه‌رێ تیما زاخۆ بۆ رۆژناما ئه‌ڤرۆ گۆت: من باوه‌ری ب شیانێن یاریزانێن خوه هه‌بوو كو دێ شێن ده‌ستكه‌فته‌كی بۆ ئیدارا سه‌ربه‌خوه یا زاخۆ و پارێزگه‌ها دهۆكێ ئینن، مه ل سه‌ر ده‌ه كێشه‌یێن جودا پشكداری كربوو و شیاین د نه‌ه كێشانان دا رێزێن ئێكێ بهێن، كه‌ركووك رێزا دویێ هات و بنگه‌هێ لاوێن زاخۆ رێزا سێیێ هات، پێنه‌ڤێت ئێك ژ گرنگترین قاره‌مانیانه ژبه‌ركو دێ بیته تاقیكرنه‌كا بهێز بۆ قاره‌مانیا ئیراقێ له‌وما بهێز مه پشكداری كر و شیان كۆنترۆلێ ل سه‌ر قاره‌مانیێ بكه‌ین.
ل دووماهیێ ناڤهاتی گۆت: یانا زاخۆ پشته‌ڤانیا مادی ل تیمێ كریه و یاریزانێن مه یه‌كێن راهێنانێ كێم ئه‌نجامدابوون ژبه‌ر كو پرانیا وان خودان كارن و ئه‌وان چو مووچه نینن ل گه‌ل یانا زاخۆ كو بشێن وه‌رزشێ بكه‌نه ژێده‌ره‌كێ ژیانێ بۆ خوه.
