یوسڤ ره‌شید: ل وان جهان نابورین یێن پلێت كوپی كرین و فرۆتین
ئه‌ڤرۆ، هه‌رهین محه‌مه‌د:
داخویانیه‌كێ دا یوسڤ ره‌شید جێگرێ سه‌رۆكێ یانا دهۆك بۆ رۆژناما ئه‌ڤرۆ دیاركر چوونا پێش یاریێ ب پلێت هاریكاره بۆ یاریا دووڤدا و مه‌زاختیێ وێ ده‌ردكه‌ڤیت و هه‌كه ب داهاتێ ڤان پلێتان نه‌با دبیت كاودانه‌كێ دی مه راگه‌هاندبا.
زێده‌تر ناڤهاتی گۆت: ژبه‌ركو مه چو پاره ل به‌رده‌ست نین نه حوكمه‌ت و چو لایه‌نان هاریكاریا مه نه‌كریه ژلایێ مادی و چوونا پێش یاریێ ب پلێت یا سه‌ركه‌فتی بوو راسته قه‌ره‌بالغه‌كا مه‌زن په‌یدابوو، ئه‌و روودانێن چێبووین ژبه‌ر وێ یه‌كێ بوو هنده‌ك پلێت هاتبوونه كوپی كرن، نوكه ژی جهێن شوله‌ژێ یێ دۆڤچوونێ دكه‌ن و ب توندی هێنه سزادانه وه‌كو یانا دهۆك ب ئێكجاری ل وان نابورین ژبه‌ركو ل یاریێن بهێت چو كه‌س وێ چه‌ندێ نه‌كه‌ن، نوكه ژی كۆمبوون ل سه‌ر وێ یه‌كێ دهێنه‌كرن و ئه‌و تشته دووباره نابیت و مه‌باوه‌ری ب جه‌ماوه‌رێ خوه هه‌ی دێ زویتر ئاماده‌بن
یوسڤی زێده‌تر گۆت: ل یانا دهۆك بتنێ جهێ بیست و دو هزارو هه‌شت سه‌د كه‌سان دناڤ یاریگه‌هێ دا هه‌یه ده‌مێ دبیته یاری نێزیكی سیه هزار كه‌سان دهێن و ئه‌ڤه ژی بۆ مه ئاریشه‌یه ل هه‌موو دونیایێ ده‌مێ یاری دهێنه كرن دبیته قه‌ره‌بالغ و ئه‌ڤه تشته‌كێ نورماله.
