دهۆك و جه‌ویه د كۆپیتكا یاریێن ئه‌ڤرۆ دا
ئه‌ڤرۆ،
بڕیاره ئه‌ڤرۆ ل ده‌مژمێر 4:15 ئێڤاری تیما ته‌پا پێی یا یانا دهۆك مێڤانداریا یانا جه‌ویه یا به‌غدایی بكه‌ت د كۆپیتكا یاریێن خولێ دا ژ چارچووڤێ هه‌ڤڕكیێن گه‌ڕا حه‌فت بۆ یانه‌یێن پلا نایابا ئیراقێ هێته كرن.
تیما دهۆكێ ب نه‌ه خالان رێزا 11ێ دهێت دێ بزاڤێ كه‌ت قه‌ره‌بوویا خالێن یاریا بۆری بكه‌ت ئه‌وا ل گه‌ل ته‌له‌به ب دو گۆلان تووشی ئێكه‌م خوساره‌تیێ بوویی د خولێ دا، لێ تیما جه‌ویه ناهێلیت ب سانه‌هی چو خالان ژ ده‌ست بده‌ت ئه‌وا ب 14 خالان سه‌رێ لیستێ دهێت بزاڤێ كه‌ت رێزبه‌ندیێ ژ ده‌ست نه‌ده‌ت تایبه‌ت هه‌مبه‌ر یانه‌یێن وه‌كو زه‌ورا خودان 13خالان رێزا دویێ، هه‌ردو یانه‌یێن ته‌له‌به و حدوود ب 12 خالان رێزێن سێیێ و چارێ دهێن، دیسان شورته، نه‌جه‌ف و كاره‌با هه‌ر ئێك 11 خال هه‌نه رێزێن پێنچ، شه‌ش و حه‌فتێ دووڤدا دئێن، لێ سه‌ركه‌فتنا دهۆكێ ژی دێ پێشڤه‌چوونه‌كا باش بخوه‌ڤه گریت، بۆ زانین 22 جاران هه‌مبه‌ری ئێك بووینه دهۆك شه‌ش سه‌ركه‌فتن، 10 خوساره‌تی و شه‌ش وه‌كهه‌ڤی بووینه.
ل دۆر ڤێ یاریێ سلێمان ره‌مه‌زا راهێنه‌رێ دهۆكێ بۆ ئه‌ڤرۆ گۆت: به‌رهه‌ڤیێن مه گه‌له‌ك دباشن و چو هنگاڤتی و دووركه‌فتن نینه ژبلی محه‌مه‌د سه‌عید ئه‌وێ ژبه‌ر كارتێن ره‌نگین پشكدار نابیت، لێ یاریا ئه‌ڤرۆ تاقیكرنه‌كا دی یا بهێزه هه‌مبه‌ری خودانا سه‌رێ لیستێ، یا گرنگ بوو مه قه‌ره‌بوویا سێ خالێن یاریا بۆرییه، ب پشتبه‌ستن ب شیانێن یاریزانێن خوه و پشته‌ڤانیا جه‌ماوه‌ری رژدین بۆ ئه‌نجامه‌كێ باش.
ژ یاریێن دی یێن ئه‌ڤرۆ، نه‌وروز- ئه‌لقاسم، حدوود- نه‌فت ئه‌لبه‌سرا، كه‌رخ- نه‌فت ئه‌لمیسان، نه‌فت، نه‌فت وه‌سه‌ت.
