رۆنالدۆ دێ گرێبه‌ستا نه‌سر یا سعۆدی ئیمزاكه‌ت
ئه‌ڤرۆ،
ستێرێ پۆرتۆگالی كرستیانۆ رۆنالدۆ یاریزانێ به‌رێ یێ یانا مانچسته‌ر یۆنایتد یا ئنگلترایێ رازیبوو ل سه‌ر گرێبه‌ستا ژلایێ یانا نه‌سر یا سعۆدی ڤه بوو وی هاتیه پێشكێشكرن و بڕیاره پشتی مۆندیالێ ئێكسه‌ر د كۆنگره‌كێ رۆژنامه‌ڤانی دا بهێته راگه‌هاندن.
ل دووڤ رۆژناما ماركا یا ئسپانی رۆنالدۆ رازیبوو یاریێ بۆ یانا نه‌سر یا سعودی ب كه‌ت ب مووچه‌كێ هه‌یڤانه دگه‌هیته 200 ملیۆن یۆرۆیان و پشتی ب دووماهی هاتنا مۆندیالێ دێ ب شێوه‌كێ فه‌رمی هێته راگه‌هاندن و ئه‌ڤ گرێبه‌سته دێ بۆ هه‌ر ژ ده‌ستپێكا سالا 2023ێ كو دێ بۆ ماوێ دو سال و نیڤان به‌رده‌وامبیت ئه‌وا ل دووڤ مه‌رجێن هه‌ردو لایه‌نا گرێبه‌سته ب پاداشت و مافێ وێنه‌یان و پۆسته‌رێن ریكلامكرنێ دناڤ سۆشیال میدیا و تله‌فزیۆنێ دا بیت.
هه‌مان رۆژنامێ دیاركر بڤێ گرێبه‌ستێ كرێستیانۆ رۆنالدۆ دێ بیته خودان بلندترین مووچه ل سه‌ر ئاستێ جیهانێ و پێشكه‌ڤیت ژ هه‌ر ئێك لیۆنێل مێسی، نیمار دا سیلڤا و كیلیان مباپی.
