لاوێن زاخۆ به‌رهه‌ڤیان بۆ خولا ئیراقێ دكه‌ن
ئه‌ڤرۆ، زاخۆ، عه‌لی حاجی:
فۆتۆ: ئازاد زووم
د داخویانیه‌كێ دا راهێنه‌رێ تیما باسكێت بۆلا یانه‌یا زاخۆ بۆ رۆژناما ئه‌ڤرۆ دیاركر ئه‌و یێ به‌رهه‌ڤیا بۆ وه‌رزێ نوو یێ خولا پلا نایابا ئیراقێ دكه‌ن، ئه‌وا بڕیاره هه‌ڤڕكیێن وێ ل ناڤه‌راستا ڤێ هه‌یڤێ بهێنه ئه‌نجامدان.
زێده‌تر مه‌روان عه‌بدولجه‌بار گۆت: پشتی ده‌ستكه‌فتێ تیما مه یا تازه‌پێگه‌هشتیان ل سه‌ر ئاستێ خولا ئیراقێ كو شیاین رێزا سێیێ ب سه‌رفه‌رازی ب ده‌ستخوه‌ڤه بینن د نوكه دا مه ده‌ست ب به‌رهه‌ڤیێن تیما خوه یا لاوان كریه ژبۆ پشكداریه‌كا سه‌ركه‌فتی، پێنگاڤا ئێكێ هژماره‌كا یاریزانێن گه‌نج ل گه‌ل یاریزانێن تازه‌پێگه‌هشتی ل گه‌ل گازیكرنا دو یاریزانێن تیما خولا كوردستانێ یا پێشكه‌فتیان بۆ تیما خوه كۆمكرینه و به‌رده‌وام راهێنانا ئه‌نجامده‌ین و دێ چاڤه‌ڕێ پشككێشانا خولێ و خشته‌یێ یاریان بین به‌ری دانانا پلانه‌كا درێژ بۆ هه‌ڤڕكییان.
ناڤهاتی ئه‌وچه‌نده ژی گۆت:ل دووڤ پێزانین گه‌هشتینه مه كو خولا ئیراقێ دێ ل 15ێ ڤی هه‌یڤێ ده‌ستپێكه‌ت له‌وما به‌رده‌وام مه راهێنانێن خوه ئانجامداینه و تیمه‌كا رێكخستی ژبۆ هه‌ڤڕكیێ ل سه‌ر رێزێن پێشیبێ بكه‌ین سه‌رباری ئه‌ركێ مه ب سانه‌هی نابیت ژبه‌ر هه‌بوونا تیمێن بهێز ل ئیراقێ.
