سه‌رۆكێ حوكمه‌تێ پشته‌ڤانیا دارایی بۆ خولا ته‌پا پێی یا كوردستانێ كر
ئه‌ڤرۆ،
د داخویانیه‌كێ دا ئه‌ندامێ ئێكه‌تیا ته‌پا پێی یا كوردستانێ دیار كر ل سه‌ر راسپاردا سه‌رۆكێ حوكمه‌تا هه‌رێما كوردستانێ رێزدار مه‌سرۆر بارزانی و چارچووڤێ پشته‌ڤانیا خوه یا به‌رده‌وام كۆژمێ 250 ملیۆن دینار بۆ ته‌خه‌كا دادڤان و سه‌رپه‌رشتیاریێن یاریێن خولێ مه‌زاختیه.
زێده‌تر ئازاد محه‌مه‌د بۆ رۆژناما ئه‌ڤرۆ گۆت: ل دووڤ راسپاردا سه‌رۆكێ حوكمه‌تێ كوژمێ 250 ملیۆن دینار وه‌كو قۆناغا دویێ یا پشته‌ڤانی و هاریكاریا راسته‌خوه پێشكێشی ئێكه‌تیا ته‌پا پێی كریه پێخه‌مه‌ت پارڤه‌كرن بۆ دادڤان و سه‌رپه‌رشتیاریێن هه‌موو خولان ئه‌وێن كارێ بڕێڤه‌برنا یاریان دكه‌ن كو دێ بۆ ئه‌وان دادڤان و سه‌رپه‌رشتیارێن پشكدار د خولا پلا دو، تازه‌پێگه‌هشی و لاوان هێنه پارڤه‌كرن.
هه‌روه‌سا ناڤهاتی دیاركر به‌ری ده‌ستپێكرنا وه‌رزێ نوو رێزدار مه‌سرۆر بارزانی سه‌رۆكێ حوكمه‌تێ وه‌كو قۆناغا ئێكێ ب كۆژمێ 400 ملیۆن دینار پشته‌ڤانیا ئێكه‌تیا ته‌پا پێی یا كوردستانێ كربوو و هاتبوونه به‌لاڤكرن ل سه‌ر ئه‌وان سه‌رپه‌رشتیارێن یاریا و دادڤانێن پلا نایاب، ئێك، فۆتسالێ و پێدڤیێن دی یێن به‌رده‌وام بۆ وه‌رزێ نوو و گۆت: پشته‌ڤانیا راسته‌وخوه یا سه‌رۆكێ حكومه‌تێ بوویه خاله‌كا گرنگ و ژهه‌ژی ده‌ستخووشیێ كو وه‌رزش ل كوردستانێ گه‌له‌ك باشتكر لێكریه و گه‌شبینی و زێده‌تر بلندكرنا ئاست و مۆرالا ئه‌وان دادڤان و سه‌رپه‌رشتیاران و هه‌موو یانه‌یێن پشكدار كریه، ئه‌م سۆپاسیا جه‌نابێ وی دكه‌ین به‌رده‌وام پشته‌ڤانه بۆ پێشخستنا وه‌رزشا كوردستانێ.
