مێسی: خه‌ونا من بوو راستی
ئه‌ڤرۆ،
ستێرێ جیهانی و هه‌لبژارتیێ ئه‌رجه‌نتین لیۆنێل مێسی كه‌یفخوه‌شیا خوه دیار كر پشتی چه‌ندین سالێن چاڤه‌ڕێ بوون گه‌هشته هیڤیێن خوه و ئێك ژ مه‌زنترین كۆپا جیهانێ ب ده‌ستخوه‌ڤه بینت و ناسناڤێ مۆندیالا 2022 بۆ وه‌لاتێ خوه بكه‌ته دیاری.
لیۆنێل مێسی د تۆرا چڤاكی یا ئنستێگرامی دا به‌لاڤكربوو كو ئه‌ڤه خه‌ونا وی بوو پشتی چه‌ندین سالێن چاڤه‌ڕێ بوونێ و بوویه راستی و گۆت: مۆندیالا ئه‌ڤ ساله یا مان و نه‌مانێ بو و نه بتنێ بوو من به‌لكۆ هه‌موو ئه‌رجه‌نتینیا، سۆپاسیا خێزانا خوه دكه‌م و هه‌ر كه‌سه‌كێ پشته‌ڤانیا من كری و باوه‌ری دایه من، مه بوو هه‌موویان دیار كر یاریزانێن ئه‌رجه‌نتین ژ هه‌ژی ناسناڤی بوون مه یاریه‌كا ئێك دل و گیانێ هه‌ڤڕكیێ هه‌بوو، ل دووماهیێ گه‌هشتینه هیڤیێن خوه، پشتی سه‌ركه‌فتنا مه و ناسناڤی من باوه‌ر نه دكر من ل گه‌ل خوه د ئاخفت ئه‌رێ ئه‌ڤه راسته! كۆپا جیهانێ بوو مه‌یه!، ل دووماهیێ مه دیرۆك تۆماركر.
لیۆنێل مێسی ب تۆماركرنا حه‌فت گۆلان ژوانا دو گۆل د یارییا دووماهیێ دا شیا ناسناڤێ سێیێ بۆ هه‌لبژارتیێ خوه بینت.
