د.قادر محمد صالح:چاره‌سه‌ریا فتقا به‌ر رانی ب تنێ نشته‌رگه‌ریه
دهۆك، شڤان لقمان:
د. قادر محمد سالح دوسكی، تایبه‌تمه‌ندێ نشته‌رگه‌ریا زاروكا دیاركر فتق گرێكه‌كه ده‌ڤ زارۆكان په‌یدادبیت پتریا جاران به‌ر رانێ زارۆكی په‌یدادبیت وگۆت: گه‌له‌ك جاران دایك دبینیت گرێكه‌كا به‌ر رانێ زارۆكی په‌یدابووی تایبه‌ت ل ده‌مێ دكه‌ته گری یان یاریان دكه‌ت و هاتنوچوون هه‌بیت وده‌مێ نڤستن و رحه‌تیێ ئه‌ڤ گرێكه به‌رزه‌دبیت و نامینیت، فتق ل ده‌ف زاروكان د زكماكدا یێن هه‌ین به‌لێ دیارنینه ل كیژ ژی دیاردبن، دبیت رۆژا ئێكێ دیارببیت و حه‌تا ساله‌كێ ژی.
تایبه‌تمه‌ندێ نشته‌رگه‌ریا زارۆكان دازانین دو جۆرێن فتقێ هه‌نه فتقا به‌ر رانی، هه‌روه‌سا فتقا نافكێ و گۆت:فتقا به‌ر رانی پێدڤیه بهێته چاره‌سه‌ركرن و چاره‌سه‌ری ژی ب تنێ نشته‌رگه‌ریه، چونكی ئه‌ڤ جورێ فتقێ ناچیت و چه‌ند بمینیت ئاریشه ژێ په‌یدادبن، جورێ دی یێ فتقێ یا نافكێ یه كو ئه‌ف فتقه ئه‌و ب خوه دچیت و نامینیت چو ئاریشه ژێ په‌یدا نابن و چ مه‌ترسی نینن و حه‌تا ژیێ دو سالیێ ئه‌و ب خوه دچیتن.
هه‌روه‌سا دیاركر ژی ژ نیشانێن فتقا به‌ر رانی گریه‌كا نه‌سرۆشتی یا زاروكی، هه‌روه‌سا سه‌رێك سواربوونا رووڤیكان و دلرابوون و هه‌لاندنا شیری و وه‌رمینا زكێ زارۆكی و قه‌بزبوونا ده‌ستاڤا ستوور یا زارۆكی ده‌مێ ئه‌ڤ نیشانه ل ده‌ڤ زاروكی په‌یدادبن پێدڤیه نشته‌رگه‌ری بو بهێته ئه‌نجامدان .
ل دووماهیێ د. قادر محمد سالح دۆسكی، تایبه‌تمه‌ندێ نشته‌رگه‌ریا زارۆكان دیاركر فتقا به‌ر رانی نه‌یا مه‌ترسیه به‌لێ پێدڤیه بهێته چاره‌سه‌ركرن و ب زووترین ده‌م نشته‌رگه‌ری بوو بهێته ئه‌نجامدان.
