هه‌لوه‌ستێ وه‌لاتێ چینێ بوویه جهێ دلگرانیا ئیرانێ
ئه‌ڤرۆ:
كه‌مال خه‌رازی شیره‌تكارێ رێبه‌رێ ئایینی یێ ئیرانێ راگه‌هاند كو د سه‌ره‌دانا سه‌رۆكێ چینێ یا بۆ سعوودیێ دا هنده‌ك داخۆیانی ل دژی ئیرانێ هاتنه دان كو ب چو ره‌نگه‌كێ ناهێنه قه‌بوول كرن و دڤێت چین ب فه‌رمی هه‌لوه‌ستێ خوه ئاشكرا بكه‌ت، چونكی به‌ری نها ئیرانێ چه‌ندین رێككه‌فتنێن ستراتیژی ل گه‌ل وه‌لاتێ چینێ ئیمزا كرینه لێ هه‌لوه‌ستێ ڤێ دووماهیێ یێ چینێ جهێ گۆمانێ یه.
ئه‌و یه‌ك د ده‌مه‌كێ دایه كو پشتی سه‌ره‌دانا سه‌رۆكێ چینێ بۆ سعوودیێ هه‌ر دو وه‌لاتان به‌حسێ هندێ كربوون كو دڤێت ئیران ده‌ست ژ رۆلێ خوه یێ نها ل ده‌ڤه‌رێ به‌رده‌ت، دڤێت ئیران رێزێ ل سه‌روه‌ریا وه‌لاتێن عه‌ره‌بی بگریت و ئاژاوه‌گه‌ریێ دروست نه‌كه‌ت، ئه‌و یه‌ك ژی ببوو جهێ دلگرانیا به‌رپرسێن ئیرانێ.
چاڤدێرێن سیاسی ژی دیار دكه‌ن كو چینێ دڤێت په‌یوه‌ندیێن خوه ل گه‌ل سعوودیێ و وه‌لاتێن دی یێن عه‌ره‌بی باشتر بكه‌ت و ئه‌و یه‌ك ژی بوویه جهێ دلگرانیا ئیرانێ، چونكی سعوودیێ و وه‌لاتێن دی یێن عه‌ره‌بی كو ب سالانه ل دژی سیاسه‌تا ئیرانێ نه نها دخوازن چین خوه ژ ئیرانێ دوور بكه‌ت و ئه‌و یه‌ك ژی بوویه جهێ دلگرانیا ئیرانێ.
