ئه‌مریكا ژ بهێزبوونا پێگه‌هێ رۆسیا و چینێ یا دلگرانه
ئه‌ڤرۆ:
به‌رپرسه‌كێ وه‌زاره‌تا ده‌رڤه یا ئه‌مریكا راگه‌هاند كو پشتی شه‌رێ ئۆكرانیایێ په‌یوه‌ندیێن هه‌ر دو وه‌لاتێن چین و رۆسیا بهێزتر لێ هاتینه و هه‌ر دو وه‌لاتان دڤێت په‌یوه‌ندیێن خوه د بیاڤێن سیاسی، سه‌ربازی و ئابووری دا بهێزتر لێ بكه‌ن، ئه‌و یه‌ك ژی دێ ئه‌نجامێن خوه یێن خراب بۆ هه‌موو جیهانێ ب تایبه‌تی ژی دێ بۆ رۆژهه‌لاتا ناڤین هه‌بیت، چونكێ پشته‌ڤانیا چینێ بۆ رۆسیا دێ بیته ئه‌گه‌رێ به‌رده‌وامیا شه‌رێ نها ل ئۆكرانیایێ و هه‌كه سنۆره‌ك بۆ رۆسیا نه‌هێته دانان رۆسیا دێ بزاڤا هندێ كه‌ت كو گه‌له‌ك ده‌ڤه‌رێن دی ژی ل ئۆكرانیایێ داگیر یان ژی وێران بكه‌ت، ژ به‌ر هندێ ژی دڤێت چین پشته‌ڤانیێ ل كریارێن رۆسیا نه‌كه‌ت، چونكی یا نها رۆسیا ل ئۆكرانیایێ ئه‌نجام دده‌ت تاوانه‌كا مه‌زنه ل دژی مرۆڤاتیێ و دڤێت چو وه‌لاته‌ك پشته‌ڤانیێ ل كریارێن رۆسیا نه‌كه‌ت.
