تلێن سەماكەر
بەهزاد بەهرام
تلێن من سەمایێ
دناڤ داڤێن پرچا تەدا دكەن
ئوپێرا و بالێدایێ نمایش دكەن
شانۆگەریان پێشكێش دكەن
داڤ ب داڤ شە دكەن
جارنا داڤێن پرچا تە
خوە ل هەر دەه تلان
مارە دكەن
ل سەر ملێن تە
دكەن كەزی و بسك
جوان ڤەدهینن
هەرداڤەكا پرچا تە
بستیكەكا نێرگزێ یە
كەزی نێرگزی
ل سحاران خوناڤێ دگرن
دلۆپ دلۆپ دوەشن
ب گەردەنا تە تینە خار
ئەز ب هەردو لێڤا دئالیسم
تێهنیا خوە پێ دشكێنم
ب دلۆپەكێرا نەگەهشتم
ژۆردا خوە بەردا
نەقەبا سینگێ سپی
بوو سیپەل و سیلاڤ
ئەز دگەل خوەدا
ژۆردا برمە خار
ل بن سیبەرا هەردو قوبەهان
ئەز ڤەهێلام
ئینام و برم ، ئینام و برم
ژۆردا بەردامە
وێ مێرگا پری ئاڤزێ
ئەی هەوار..!
بێهنا نێرگزان ئەز خارم
دناڤ خوەدا خەندقاندم.
