كولۆخێ سیس
جەمال قاسم
دزانم بیرهاتنا
تو دویر یا بری
كولۆخێ سیس
ب دو پەیڤان
تو سەردا بری
٭٭٭٭٭
تبلكێن من
دا پرچا تە شەكەن
ئەڤرۆ من برین
دا چ پرچا شە نە كەن
٭٭٭٭٭
بیر و هزر و برین
زێمار و رۆندك
شاها رووكەنا شرین
نازدار گونەهن ب گرین
٭٭٭٭٭
من تو ڤییای
من نەزانی دێ من هێلی
ترسم حەز ژ تە بكەم
جارەكا دی برینا بكێلی
٭٭٭٭٭
ئەگەر ئەز نامەكێ بنڤیسم
دێ خوینی یا دێ درینی
یان دێ بەرەف من هێ و مینی
٭٭٭٭٭
هەكە دەم پاشڤە زڤریبا
دا هەر حەز ژ تەكەم
دا سوجدەیا بۆ خۆدێ
و لاڤا بۆ تە كەم
دا ب خوناڤێن ئەڤینێ
پرچا تە شەكەم
٭٭٭٭٭
هێ هێی
پار بوو بیرهاتن
ستریك بوون خەون
پەیڤ هزرا دئارینن
چاڤ جانا نابینن
٭٭٭٭٭
كەنگی دێ تەبینمە ڤە
دەستێ تە گرمە ڤە
خەریب و شەیدا مە
دێ بزڤرە ڤە
هزرێن گەزی
ڤەژەنی نە ژێ ژان
ژانێن ئاریای
دەردن نینن چ دەرمان
دیتنا چاڤێن تە نە
مراد و خۆزی
و عەشق و ڤیان.
