خامەیێ من
سەیفوللا محەمەد
سینگێ خوە دێ كەلێشم
ڤی دلێ خوە كەركەر كم
بریـــــنا دێ گـڤێـشــــــم
تازە خوێ لێ پێــوەر كم
چەندی ژ بەر ب ئێـشــم
دڤێــت بریــــنا دەر كــم
::
ما من بۆ چیــیە خــامە
گەر حوبرێ وی نەڕێــژم
نەبت پەیــام و نامـــــە
ڕاستییان ئەز ببێـژم
هینگێ خـامە حــەڕامە
دەســــتا ژێـڕە باڤێـــژم
:
هەر سەرەك و هزرەك لێ
ڕاســتە ڕاســـتی خویایە
ئەز شـــاگرد و تو مـــەلێ
لێ شـــاشی لبەر چـاڤـایە
نابت هـــەر بێــــژم بەلێ
ئەڤــــە دەرد و بەلایـــــە
::
نابت ب بم داهــــــۆلڤان
نە زوڕنەبێــــژ بۆ كەســێ
نە كـــارە كـــو توڕەڤـــان
خوە بێخت ناڤ قەفەسێ
كراســـــێ بێـــتە پیــڤان
ب یەك گـــەز و مقەســێ
::
لبەر ناكـــم وی كراســـی
هەر چ ڕەنگێ تە كـەركر
نەگرت پشت و پەراسی
یان بێ مل و كـەمەر كر
ب سەدان كێم و كاسی
وەكو عـەبای بمە وەركـر
::
هـــەر چی كـــەتە بەرچاڤا
دێ بجــــوانی تومار كیـــن
ڕویدانێـــن هـــــەمی گاڤا
نفشێ نوی لسەر شیار كین
هـــەر وەكـــو ڕوژ و تاڤا
بۆ دیــــروكێ دیار كیـــن
::
ب زانن ڤــی خـــامەیی
حــــوبر ژ خویـــــنا مــنە
من گۆت بۆ دۆزا مەیی
دۆزا گـــــــەل ڤینا مــنە
هندی ئەز ساخ و هەیی
وەلات شـــــریــنا مـــنە.
