دەمـێ ئـاشۆپ دبـن ئـازار

عبدالقادر حەمید ئورمانی

جار ..
ل گەل نوستالیجییا
خەریبیا دل لێ داگیركری
دبوو هەڤڕك
دگڕتن دگەل داڤێن ڕۆژێ
وێنە و ڕك
جار دبوو پالەوانێ
دڕێژە چیرۆكێن ئاشۆپەیی
جار ژی د چاڤەرێبوونێ دا
بێهنا وی دما چك
جار ..
دگەل ئەندیشەیا
دكر دیالۆك
دبوو گەنجەكێ
پەیت وكۆك
داڤێن ڕۆژێ
ب هەردو دەستا دگڕت
جار ژی دبوو دژواریا
ئازارێن دژوار
دبوو تیژاتی دبوو شالۆك
خەم دورین و دلێ خو ژی
دكرە پڕت پڕت
جار ..
وەك نەزانەكێ
ژگوندی دلمای
چاوا با دهات وەسا دا بای
گوند دتۆزێ ڕا دهێلا
جار ژی دبوو
ڕێڤنگەك ڤەمای
ب خوها ئەنیێ و
پشتا چەمای
ب تنێ ژ خوزیا گەیشتنا
ئارمانجێ خوە بۆ ڤەدای
ب حەز و لەزاتیا خوە
پلنك دهێلا
جار ..
دبوو میر و نۆژدارێ
پەیڤێن پڕ جوان
بۆ عاشقێن شێت
دكرنە دەڕمان
جار ژی ل سەر دۆزا
ڕاستی و دلسۆزیێ
ب تەعنێن
جاهلیەتێ بەرێ
دل لێ شكەست
لێ هەر بۆ دلپاكا
دما پاوان.

کۆمێنتا تە