نەورۆز

نایف محمود

تویی سەرسالا
گەلێ مە
بویك و بوهارا
مە كوردان
پیرۆزە نەورۆز..
رۆژا هەلبوونا
خەتیرا ئازادیێ و
ڤەبوون و بشكڤینا
گولێن ئادارێ
پیرۆزە نەورۆز..
تویی روومەتا
گەلێ ئاری
چەكووچێ سەرێ
زوحاكی و نەمانا
كەلها زولماتێ
پیرۆزە نەورۆز…
تویی كاوەیێ كوردان
میر و سەركێشێ
كاروانێ مەردان
سەرێ نەیاران هنجنی
پیرۆزە نەورۆز…
تویی ئالا
كەسك و سۆر و زەر
رۆژا ل ئاسمانێ بلند
خوینا شەهیدێن نەمر
ڤۆلكانا عەشقا وەلاتی
پیرۆزە نەورۆز..
تویی پەقینا
كانیا ئۆمێدا
سەركێشا هەمی ئەلندا
مزگینیا دلێ كوردا
شەڤ و رۆژ مە پەیمان و سۆز
بۆ تە بمرین ئالا كوردا
ئەڤ بۆ مە خەبات و دۆز
پیرۆزە و خوەش خەلاتی
تویی نیرۆژ.

کۆمێنتا تە