رێیێن سەرەكی یێن دلخۆشیا مرۆڤی
ئەڤرۆ
خوارن و رەفتارێن مە رۆلەكێ مەزن هەیە ل سەر هندێ كا هەتا چەند هەست ب دڵخۆشیێ دكەین، لەورا دشیێن هەول بدەین راددەیێ دلخۆشیا ژیانا مە زێدەتر لێبكەین و دووربكەڤین ژ رەوشێن نەرێنی.
ماڵپەڕێ لوبنان ٢٤ د بابەتەكیدا د چەند خالان ئاماژە ب گرنگترین وان رەفتاران كریە كو وەدكەن ژن زێدەتر هەست ب دلخۆشیێ بكەن، ب ڤی جۆری:
سوپاسگوزاری:
سوپاسگوزاری ئێك ژ وان فاكتەرانە وەدكەت ژن هەست ب دڵخۆشیێ بكەن، ب جۆرەكی ل رەوشێن دژوار دا لایەنێ باش دبینن و بۆ جوانیێ ڤەدگەرە ژیانێ.
گرنگیدان ب خوە:
ئەو ژنێن دلخۆش بەردەوام گرنگیێ ب خوە ددەن ژلایێ لەشی و دەروونی و مەژی، بەردەوام وەرزشێ دكەن و ل دووڤ پێدڤییا خوە دنڤن و خوارنا ساخلەم دخۆن.
باوەری و نەترسان:
ترس ئێكە ژ بكوژێن دلخۆشیێ، بەلێ باوەری كلیلا دلخۆشبوونێ یە، چونكو باوەری ب خۆبوون وەدكەت هەست ب وێ چەندێ بكەی كو تو دشێی كۆنترۆلا رۆژێن بهێت بكەی، ئەڤەژی هاریكاریێ دكەت هەست ب ئارامیێ بكەی.
قەبوولكرنا خوە:
دڤێت ل گەل خوە دا نەرم بی و گوهێ خوە نەدە وان هزرێن نەرێنی كو دەربارەی تە بۆتە دروست دبن، بەلكو شانازیێ ب خوە بكەی و هەموو لایەنێن خوە قەبوول بكەی و هەولبدەی بەرەڤ باشتر بچی.
ئارەزوویێن تە:
ئارەزوو و كارێ دەستی ئێكن ژ رێكێن سەرنجراكێش بۆ دەربڕینا هەست و سۆزان، ئەڤە هاریكاریێ دكەت ل ئالوزیێ دووربكەڤی و هەست ب دلخۆشیێ بكەی.
بەخشین:
بەخشین و هاریكاریا كەسێن دی وەدكەت هۆرمۆنێ ئەندرۆفین د لەشی دا بلندببیت، ئەڤەژی وەدكەت هەست ب دلخۆشیێ بكەی.
هاندان و خوە بەراوردنەكرن ب كەسێن دی:
دەمێ خوە ب كەسێن دی بەراورد دكەی، وەسا هەست دكەی كو تە شكەستن ئینایە و هزرێن تە نەرێنی دبن، لەورا هەولبدە بەرۆڤاژی رەفتاران بكەی و خوە ب هیچ كەسەكی بەراورد نەكەی و د هەمان دەمدا هاندانا ژنێن دی بی.
لێبوورین:
لێبوورین وەدكەت توندوتیژی و ئەزموونێن خراب د ژیانا تەدا كێم ببن، ب ڤێ چەندێ دێ هەست ب ئارامییەكا دەروونی كەی و دشێی پێنگاڤەكا گرنگ د ژیانا خوە دا بهاڤێژی.
گۆتنا “نە”:
پێدڤی ناكەت بۆ هەموو تشتەكی بێژی بەلێ، هندەك جارا ب مەرەما وێ چەندێ ژ هندەك تشتا یێ دووربی كو تە دلخۆش ناكەن دڤێت بێژی نەخێر، ب ڤی جۆری دێ هێزا خوە پارێزی و دێ هەست ب دلخۆشییەكا زێدەتر كەی.
