عەتمان حەز دكەت كارەكێ هونەری ل گەل هونەرمەند (حەسەن شەریف)ی ئەنجام بدەت
ئەڤرۆ
سترانبێژ عەتمان میرۆ نوكە ل وەلاتێ ئەلمانیا دژیت د دیدارەكێ دا بۆ رۆژناما ئەڤرۆ گۆت: ل دووماهیا سالا بوری من دەست ب كارێ كلیپەكێ كر ل سەر چارشەمبیا نیسانێ كو ژ پەیڤێن هەلبەستڤان ئەدیپ چەلكی نە و ئاواز حەسەن شەریف و دەرهێنان عادل ئاكریە بوو.
هەروەسا گۆت: من رێز بۆ هەموو سترانبێژان هەیە و گوهداریا هەموویان دكەم، بەلێ هونەرمەند حەسەن شەریف گەلەك نێزیكی منە و من گەلەك حەزدكر كارەكی ل گەل وی ئەنجام بدەم وەكو سترانا دوقۆلی و گەلەك سترانبێژێن دی ژی هەنە یێن دەڤەرا مە كو سترانا دوقۆلی ل گەل بێژم و هەتا نوكە ژی من سترانا دوقۆلی نینە و پتریا سترانا دوقۆلی ژی ل گەل سترانبێژن كچ دهێتە گۆتن و چێكرن و هەتا نوكە چو سترانبێژێن كچ دهزرا من دا نینن و هەكە هەبیت ژی دێ یێ ئامادەبم.
دڤێت هەر سترانبێژەك ستایلێ خوە بزانیت و ژێ دەرنەكەڤیت و د هەموو كلیپێن خوە دا ئەز ژ ستایلێ خوە دەرنەكەفتی مە، بەلێ پێدڤیە هەموو كلیپ ژی نەوەكو ئێك بن، ژ بەر كو مرۆڤی گەلەك جورێن حەزژێكەران هەنە و ب ستایلێن جودا مرۆڤ هەموو كەسان ب خوە ڤە گرێدەت و دسەرهندێ را من نەڤێت ژ ستایلێ كوردی دەركەڤم و هەموو دەمان بزاڤێ دكەم ل سەر مۆزیك و سترانا كوردی كاربكەم و دستران گۆتنێ دا حەز ژ سترانا ئەڤینی دكەم و ل ڤێ دووماهیێ من ب جەژنا مە یا چارشەمبیا نیسانێ گۆتیە و گەلەك یا گرنگە مرۆڤ كەلتورێ خوە ژبیرنەكەت.
