دێ چـاوا خوە ژ نەخـۆشیێن هـاڤینێ پارێزی؟
بەرپەرێ ساخلەمیێ:
ل گەل دەستپێكرنا وەرزێ هاڤینێ پرسیارێن خەلكی ل دۆر نەخۆشیێن گەرمێ مشە دبن و دیسا هندەك هزرێن شاش ل دەڤ خەلكی پەیداببن و هزر دكەن كو گەرماتی و هشكبوونێ پەیوەندی ڤێكرا نینە، یان وان پێدڤی ب خوپاراستنێ ژ گەرمێ نابیت و ئەڤ هزرێن شاش ل دەڤ پەیدادبن:
* هەكە گەلەك خوهدان مرۆڤی بدەت گەرماتیا لەشی دێ هەڤسەنگ بیت هەتا دونیا یا گەرم ژی بیت
ب راستی هەموو دەمان خوهدانێ شیان نینن بۆ ئارامكرنا گەرماتیا لەشی، هەكە شەه و گەرماتی د بلند بن، دێ هێدیانە بیتە هلم و ئەو خوهدان دێ بیتە ئەگەر بۆ تەزاندنا لەشی، شەها بلند دێ رادەیەكی بۆ ئارامكرنا گەرماتیا لەشی د خوهدانێ دا دانیت، هەروەسان هەكە شلەمەنی دكێم بن د لەشیدا یان مرۆڤ گەلەك جلكان ل بەر خۆ بكەت، دێ خوهدان ژی یا كێم بیت و دبنە رێگر د خوهدانێ دا.
* هەكە مرۆڤ تێهنی نەبیت مرۆڤ تووشی هشكبوونێ نابیت:
ژ بەد بەختیێ هەموو دەمان تێهنی بوون نە نیشانا وێ چەندێ یە كا مرۆڤی پێدڤی ب چەند ئاڤێ هەیە، ب تایبەت ل دەڤ زارۆ و سنێلەیان، رەنگێ دەستئاڤێ باشترین نیشانە بۆ ڤێ چەندێ و هەكە رەنگێ دەستئاڤێ یێ ڤەبووی بیت ئەو نیشانا باشیێ یە، هەكە رەنگێ وێ یێ زەر بیت یان سەر ب سۆری ڤە بیت ئەو نیشانا هشكبوونێ یە.
* ل رۆژێن ئەور بیت مرۆڤ پێدڤی ب خوپاراستنێ ژ رۆژێ نابیت
هەتا هەكە دونیا عەور بیت ژی، تیرێژێن رۆژێ دگەهنە ل سەر ئەردی، لەورا گەلەك یا پێدڤیە رۆژانە مرۆڤ خۆ بپارێزیت و هەر دو دەمژمێرا جارەكێ بهێتە نووكرن. بلا ل هزرا تە بیت كو ب كارئینانا كەرستێن جوانكاریێ جهێ دەرمانێن خوپاراستنێ ژ تیشكا رۆژێ ناگرن، و هەكە تو وێ چەندێ بكەی پێدڤیە تو ژ 14-15 جاران پتر میكیاژی بدانن هەتا جهێ وێ دگرن و ئەڤە ل سەر كریم ئەساسی ژی دهێتە چەسپاندن، لەورا باشترە كو ل گەل كەرستێن جوانكاریێ خوپاراستن ژی هەبیت.
