سێ باشترین خوارن بۆ ساخلەمیا مرۆڤی
رۆژانە ڤەكولینێن نوو دهێنە كرن و مفایێ هندەك خوارنان بۆ پاراستنا ساخلەمیا لەشی و ب هێزكرنا كۆ ئەندامێ بەرگریا لەشی و دووركرنا مرۆڤی ژ نەخۆشیان و ب تایبەت یێن ب مەترسی وەكو پەنجەشێرێ دیاردكەن، ل ڤێ دووماهیێ ژی شارەزایێن خوارنا جیهانی هندەك جورێن خوارنێ دیاركرینە كو باشترین خوارنن بۆ ساخلەمیا مرۆڤی و ب ڤی شێوازی:
1- باهیڤ: گەلەك باهیڤێن شەكر كری دخون یانژی دكەنە دناڤ كێكان دا، یا باشتر ئەوە باهیڤ ب رەنگێ خۆ یێ سروشتی بهێنە خوارن و باهیڤ ئێك ژ ژێدەرێن هەرە گرنگە بۆ دابینكرنا پروتینی و فاكتەرەكە بهێزكرنا هەستییان ژبەركو گەلەك كانزایێن پێدڤی دناڤدا هەنە بۆ هەستییان وەك (كالسیوم، مەگنسیوم، منگەنبز و فوسفور) ئەڤە هەموو ژی دلی دپارێزن.
2- زەیتا زەیتوونا: گەلەك ل دەوروبەرێن دەریایا سپی دهێنە ب كارئینان و ئێمنترین تشتە بۆ ساخلەمی و دلێ مرۆڤی و تایبەتمەند شیرەتان دكەن كو رۆژانە زەیتا زەیتوونا ل سەر خوارنێ بهێتە زێدەكرن، بەلێ ڤەكولین دبێژن كو خوارنا وێ ب رەنگەكێ رێكخستی مرۆڤی ژ نەخوشیێن دلی و گرتنا خوینهنێران دپارێزیت و دیسان زەیتا زەیتوونا یا ب مفایە بۆ نەخوشێن شەكرێ و كاردكەت دژی پەنجەشێرا قولونێ و دیسان بۆ نەخۆشێن رەبوویێ ژی گەلەك یا باشە.
3- هنگڤین: تاما وی یا ب لەزەتە و ب دەه جاركی پتر ژ شەكرێ مفای دگەهینیتە ساخلەمیێ و د گەلەك چاخێن بەرێ دا هنگڤین بۆ بەردەوامیا هێزا مرۆڤی هاتیە خوارن و نوكە وەكو دژە زیندەوەرەك ب دژی هەودانێن لەشی و بەرگرەك بۆ پرۆستاتان دهێتە ب كارئینان و باشترە ژ هەموو دەرمانان بۆ نەهێلانا تووشبونا مرۆڤی ب پەرسیڤی و نەخۆشیێن زڤستانێ، پتریا پێكهاتێ هنگڤینی كاربەهیدرات و ئاڤن، لەورا بۆ بەردەوامیا هێزێ دهێتە ب كارئینان و ب تایبەت ژی رومانیێن بەرێ بۆ زێدەكرنا هێزا لەشی هنگڤین ب كارئینایە.
